Centro Dramático Galego
Estrea: xoves 29 de setembro ás 20.00 h.
Do 29 de setembro ao 23 de outubro
Mércores ás 18.00 h | Xoves ás 20.00 h | Venres e sábados ás 21.00 h | Domingos ás 18.00 h
Funcións descontraídas: Todos os mércores ás 18.00 h. Unha sesión cunha atmosfera acolledora e con máis tolerancia respecto do ruído e movemento no patio de butacas. Cun prezo especial de 6 euros. Destinada ás persoas que buscan un ambiente máis relaxado que o dunha representación teatral ao uso, así como ás que poidan sentirse máis cómodas nese contorno, como aquelas con déficit de atención, deficiencia intelectual, espectro autista ou deficiencias sensoriais, sociais ou de comunicación.
Funcións inclusivas: A partir da segunda semana e en todas as representacións, estará en probas o novo sistema de signado, audiodescrición e sobretitulado. Ademais, porase ao dispor do público o programa de lectura fácil, en colaboración coa asociación FADEMGA-Plena inclusión.
