Idea e creación: Borja Fernández
Dirección: Borja Fernández e Uxía Vaello
"Eu non coñecín ao meu avó Benito Fernández. Morreu en 2004. Emigrou a Brasil durante a postguerra española, e desapareceu. En cada imaxe na que aparece semella unha persoa diferente. Minte, oculta información. Reinvéntase a si mesmo en varias ocasións. Moitos emigrantes transfórmanse. Como o "spam" desta historia. Como se o meu avó soubese que alguén no futuro estaría na súa procura, e a súa maneira de agocharse fora mudar a súa identidade e o seu pasado, como xogando ao descoido".
(Borja Fernández. Ilhéus, Bahía. Brasil. 20 de setembro de 2015)
Salvador é un proxecto escénico para un actor/músico e unha video jockey/manipuladora de obxectos, sobre os movementos migratorios, as desaparicións e os encontros.
Salvador céntrase na figura dos avós, concretamente nos avós galegos emigrados a mediados do século pasado a Sudamérica, e do seu o impacto na historia recente na configuración das comunidades, familias e individuos contemporáneos.
Salvador está a metade de camiño entre o documental e a ficción teatral, con especial énfasis na combinación de texto, movemento, música en directo, e novas tecnoloxías.