AGADIC

Centro Dramático Galego


CDG: Neorretranca e posmorriña

De Esther F. Carrodeguas e Roi Vidal Ponte
Gena Baamonde, directora

FANTASÍA Nº 5 EN SOL OU NON
Unha varredora baila levando a area que moveu a treboada de novo no seu sitio: recoloca o mundo atacado polo home. Alguén pinta no muro "Viva España". Unha vella agarda pola morte.
Mentres tanto, a moza que vai saír de marcha non sabe como combinar a saia de Zara co pano tan bonito da súa bisavoa. No micrófono, alguén berra: XA NON HAI TEMPO PARA APOIARSE NAS PAREDES. E na parede, alguén pinta: MIÑA NAI FALA GALEGO MI PADRE HABLA CASTELLANO 50 AÑOS FELICES.
As vellas botan "gasofa" na terra para que medren as cenorias. E nós preguntámonos cando chegará unha xeración verdadeiramente apaixonada, unha desas de LUME (pero outro lume, eh!). En proscenio: a maleta.

BOISACA OU A DIVINA DESGRAZA
O dramaturgo, encarnado nunha actriz veterana, ten que escribir unha obra de teatro sobre a identidade nacional, coa posibilidade de que esta sexa representada no CDG. Para conseguilo, convoca a escritora Mary Shelley, para que o acompañe nunha viaxe ao outro mundo na procura do seu pai. No seu camiño encóntrase con algúns dos mortos que construíron, cada un co seu propio anaco, ese monstro que é a identidade nacional galega.

Encontros co público:
Os xoves ao finalizar a función

Domingos de conciliación:
Ademais, nas representacións dos días 14, 21 e 28 de abril, 5 de maio e 30 de xuño, o CDG desenvolve os seus Domingos de Conciliación, dirixidos a todas as persoas con nenos e nenas ao seu cargo que queiran asistir ao espectáculo. Esta iniciativa -incluída no prezo da entrada- consiste nun obradoiro de artes escénicas (con monicreques, teatro de sombras e moitos xogos máis), onde os rapaces e rapazas poden pasar unha tarde entretida mentres os seus maiores asisten ao espectáculo.

Duración aproximada: 3 horas e media. Máximo: 30 participantes. Servizo gratuíto, previa reserva no teléfono 881 867 229 de 9.00 a 14.30 h (de luns a venres, agás festivos) ou no correo-e centro.dramatico.galego@xunta.gal


Ler máis

neorretranca

Próximas representacións

27 de xuño - 29 de xuño
/// 21.00
Salón Teatro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)
Prezo: Tarifa xeral: 10 euros. 40% de desconto a estudantes, xubilados, maiores de 65 anos, usuarios do carné xove, desempregados, familias numerosas, grupos a partir de 10 persoas, xornalistas, profesionais das artes escénicas e membros da Asociación de Antigos Alumnos e Amigos da USC (Alumni USC). 3x2: se traes dúas persoas, invitámoste ao teatro. (Só no despacho de billetes do Salón Teatro). Encontro co público: o xoves 27 ao finalizar a función. Venda anticipada de entradas en Abanca e na billeteira do Salón Teatro dúas horas antes do comezo da función.

30 de xuño
/// 19.30
Salón Teatro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)
Prezo: 5 € (día do espectador) Domingo de conciliación: taller gratuíto para nenas e nenos mentres ti vas ao teatro. Venda anticipada de entradas en Abanca e na billeteira do Salón Teatro dúas horas antes do comezo da función.

5 de xullo
/// 20.30
Vigo, Teatro Afundación Vigo




AGADIC Marca gráfica da Xunta de Galicia

Accesibilidade | Aviso legal