AGADIC

Centro Dramático Galego


PRODUCIÓNS DISPERSAS: Tódalas marabillas do mundo

Dirección: Diego Freire
Elenco: Diego Freire e Beatriz Bravo

A peza Todas as marabillas do mundo presenta a unha personaxe fascinada pola beleza do mundo e as súas marabillas. Unha personaxe que desexa máis que nada coñecer e gozar de todas as cousas fermosas que o noso planeta nos regala.

Un día descobre que as marabillas son tantas e o mundo é tan grande que non tería nin o tempo nin os cartiños para poder gozar de toda esa fermosura. Así que sinte unha tremenda frustración. Deberá aprender a convivir coa ela! Durante esa aprendizaxe tamén descubrirá que ten moitas emocións no seu interior e que as veces é un lío levarse ben con todo o que vive na súa cabeza. O sentido común, o aburrimento, a vergoña, a alegría, a tristeza, a ira, a paz interior, entre outras emocións tamén serán personaxes do espectáculo.

O texto trata de achegar ao público, desde unha perspectiva lúdica a importancia de coñecer, identificar e convivir cos seus sentimentos, facendo especial énfase na xestión da frustración.

A música, a interacción co público, e unha sinxela pero coidada estética (que xogará coa cor, a luz e as sombras e a natureza) sinais de identidade da compañía son parte fundamental da proposta.


Ficha artística:
Dirección: Diego Freire
Elenco: Diego Freire e Beatriz Bravo
Asesoría de Dirección: José Campanari
Texto: Diego Freire
Escenografía e atrezo: Daniel D.Calet
Música: Salomé Garrido E Ramón Feans
Vestiario: Daniel D. Calet
Audiovisuais: Diego Freire
Soporte Técnico: Dibay Eventos
Voces Adicionais: Ana Ponte e Beatriz Bravo

todalas marabillas do mundo


AGADIC Marca gráfica da Xunta de Galicia

Accesibilidade | Aviso legal