Impartido por Vicente Fuentes
"A palabra en acción". Taller de palabra
[04/06/2018 - 08/06/2018]
Partindo do traballo da palabra que vén desenvolvendo ao longo da súa traxectoria profesional en centros como a Compañía Nacional de Teatro Clásico, o Teatro de La Abadía e a RESAD de Madrid, Vicente Fuentes ofrecerá á actriz/actor unha serie de exercicios que lle permitirán un uso máis elocuente, eficaz e virtuoso do texto, traballando con elementos como a conexión entre o impulso e a respiración, a articulación e a entoación, os portadores de sentido, a visualización, as sensacións e os mecanismos de acción-reacción, tendo sempre a palabra como foco.
Este taller está polo tanto orientado a todas aquelas persoas interesadas en desenvolver unha meirande destreza no manexo da fala escénica.
Acompañará a Vicente Fuentes Rosa Moledo, en calidade de asesora lingüística para a lingua galega.
VICENTE FUENTES
Vicente Fuentes cursou estudos con Roy Hart (pasando a formar parte do Roy Hart International Center en Francia) e en Stratford con Cicely Berry (directora vocal da Royal Shakespeare Company). É doutor pola Universidade de Alcalá en Teoría, Historia e Práctica do Teatro; catedrático emérito de Voz e Linguaxe da RESAD, e asesor de Verso da Compañía Nacional de Teatro Clásico, onde tamén forma parte do laboratorio para a formación dos
novos actores de La Joven.
Traduciu e adaptou ao castelán dous libros fundamentais da súa mestra Cicely Berry:
La voz y el actor, publicado por Alba, e
Texto en acción, xunto co equipo de Fuentes de la Voz, aparecido en Fundamentos. Desde 2013 combina os seus labores didácticos e de investigación co seu propio proxecto, o centro de estudos e investigación Fuentes de la Voz.
ROSA MOLEDO
Especialista en tradución audiovisual, ten no seu haber numerosos traballos tanto para televisión como para cine, entre os que destacan
Fisterra,
Sei quen es,
A lingua das bolboretas,
Lena,
Os luns ao sol,
O misterio Galíndez,
13 Badaladas,
O lapis do carpinteiro,
O ano da carracha,
Abrígate,
Agallas,
Conexións,
Cela 211,
Engurras,
O sexo dos anxos,
A árbore magnética,
Somos xente honrada,
Os Fenómenos ou
O noso último verán en Escocia. É tamén asesora e supervisora lingüística en numerosas sesión de dobraxe para televisión e cine, así como na rodaxe de diversos programas de entretemento e series televisivas, como é o caso de
Fariña.
INFORMACIÓN ÚTIL:
Prazas
25 + ouvintes (prazas limitadas)
25 actrices/actores profesionais ou con formación actoral previa
Ouvintes: Estudantes ou profesionais de todos os ámbitos das Artes Escénicas
Lugar e horario
Salón Teatro, Rúa Nova 34 15705 Santiago de Compostela
De 10.00 a 15.00 h
Total sesións e horas
5 sesións. Total 25 horas
Selección
Mediante
C.V.
Os solicitantes deberán enviar o seu curriculum debidamente actualizado a centro.dramatico.galego@xunta.gal co asunto Taller CDG de Palabra.
Prezos
95 € para participantes
60 € para participantes membros da AAAG e da asociación de Artistas de Circo / estudantes / desempregados
45 € para ouvintes
Prazo de recepción de solicitudes
Do luns 7 ao domingo 13 de maio
Publicación da lista provisional de participantes
A partir do luns 21 de maio na
web do CDG
Publicación da lista definitiva de participantes
A partir do venres 25 de maio na
web do CDG
Só serán avisadas por correo electrónico as persoas seleccionadas como participantes e as que estean incluídas na listaxe de espera.
Formalización de matrícula
Do 21 ao 24 de maio
As persoas seleccionadas deberán ingresar o importe correspondente en Abanca na conta núm. ES66 2080 0388 2531 1000 2055 baixo o concepto
Taller CDG de Palabra.
Para asegurar a praza nos talleres, cumprirá realizar o ingreso dentro do período establecido, e remitir o xustificante bancario do ingreso a centro.dramatico.galego@xunta.gal. De non facerse, a praza será ocupada pola seguinte persoa na listaxe de espera.
Enderezo:
Salón Teatro. Rúa Nova 34
15705 Santiago de Compostela
Tel. 881 867 229 de 9.00 a 14.00 h
centro.dramatico.galego@xunta.gal Prazo inscrición:
[07/05/2018 - 13/05/2018]
