AGADIC

Centro Dramático Galego


Formación


Impartido por David Luque

Taller "A emoción no corpo". Técnica Michael Chejov

[17/07/2017 - 21/07/2017]

Non sempre poderemos xerar unha emoción.
Pero sempre poderemos xerar un movemento.

Michael Chejov

Dicía Michael Chejov que, cando estamos alegres ou tristes, é o noso brazo, a nosa man, as nosas costas, pernas ou ollos os que están alegres ou tristes. Para as actrices e actores esta afirmación ten un gran potencial liberador, xa que nos permite pór nun segundo plano o noso pertinaz e omnipresente intelecto para, durante a actuación, devolver o protagonismo ao noso corpo.
A técnica Chejov reconéctanos con todas esas reaccións corporais, impulsos e sensacións que experimentamos a diario para poñelas ao servizo da actriz ou actor. Descubriremos como certos movementos poden animar eses mesmos impulsos e reaccións para que o intérprete non "empurre" as emocións. O movemento estimulado polo maxín transformarase nunha valiosa ferramenta artística para abrir con sinxeleza a porta á emoción.

David Luque


Formado na Escola de Teatro Mar Navarro e Andrés Hernández na técnica de Jacques Lecoq, completa a súa formación coa licenciatura en Filoloxía Inglesa pola Universidad Autónoma de Madrid. Do 2000 ao 2008 entra a formar parte do elenco estable do Teatro de La Abadía. Cursa estudos de danza con Francesc Bravo, de acrobacia con Helena Lario, canto e música no Conservatorio de Música Maestro Barbieri e clarinete con Joan Espasa. No Teatro de la Abadía participa en numerosas montaxes da man de José Luis Gómez, Hansgünter Heyme, Dan Jemmett ou Hernán Gené. Entre os seus últimos traballos destacan El Público (Àlex Rigola), Oficina para las vidas post-idénticas (Matthias Rebstock), Platonov (Gerardo Vera), La colmena científica (Ernesto Caballero) ou Las dos bandoleras (Carme Portacelli).

En cine traballou ás ordes de Carlos Saura, Milos Forman, Roberto Santiago ou Ángeles González Sinde. En televisión participou en series como El Ministerio del tiempo, Bandolera e El síndrome de Ulises, entre outras. Máis recentemente, protagonizou o filme Teresa.

Como tradutor ten publicados para Alba Editorial La preparación del director. Siete ensayos sobre teatro y arte de Anne Bogart e Lecciones para el actor profesional de Michael Chejov.

INFORMACIÓN ÚTIL:

Prazas
25 + ouvintes (prazas limitadas)
25 actrices/actores profesionais ou con formación actoral previa.
Ouvintes: Estudantes ou profesionais de todos os ámbitos das Artes Escénicas (prazas limitadas)

Horario
De 10.00 a 15.00 h

Lugar
Salón Teatro. Rúa Nova 34
15705 Santiago de Compostela

Total sesións
5
Total horas
25

Selección
Mediante CV
Os solicitantes deberán enviar o seu curriculum debidamente actualizado a centro.dramatico.galego@xunta.gal co asunto Taller CDG de Técnica Michael Chejov.

Prezos
95 € para participantes
60 € para participantes membros da AAAG / estudantes / desempregados
45 € para ouvintes

Prazo de recepción de solicitudes
Do luns 15 de maio ao domingo 11 de xuño

Publicación da lista provisional de participantes
O venres 16 de xuño na web do CDG

Publicación da lista definitiva de participantes
O venres 30 de xuño na web do CDG

Só serán avisadas por correo electrónico as persoas seleccionadas como participantes e as que estean incluídas na lista de espera.

Formalización de matrícula
Do 1 ao 10 de xullo

As persoas seleccionadas deberán ingresar o importe correspondente en Abanca na conta núm. ES66 2080 0388 2531 1000 2055 baixo o concepto Taller CDG de Técnica Michael Chejov.

Para asegurar a praza nos talleres, cumprirá realizar o ingreso dentro do período establecido, e remitir o formulario de inscrición debidamente cuberto, xunto co xustificante bancario do ingreso a centro.dramatico.galego@xunta.gal. De non facerse, a praza será ocupada pola seguinte persoa na lista de espera.

Enderezo:

Salón Teatro. Rúa Nova 34
15705 Santiago de Compostela
Tel. 881 867 229 de 9.00 a 14.00 h
centro.dramatico.galego@xunta.gal

Prazo inscrición:

[15/05/2017 - 04/06/2017]


AGADIC Marca gráfica da Xunta de Galicia

Accesibilidade | Aviso legal