AGADIC

Centro Dramático Galego


Novas

DIRIXIDA POR VANESA SOTELO E INTERPRETADA POR DAVIDE GONZÁLEZ

O Salón Teatro acolle 'Microspectivas dun marica millennial', coprodución de Incendiaria co Centro Dramático Galego

Documento anexo[09/07/2020] O Salón Teatro compostelán acolle mañá, ás 20,30 h., unha función do espectáculo 'Microspectivas dun marica millennial', coprodución entre a compañía Incendiaria e o Centro Dramático Galego (CDG), que se programa nun único pase no marco do festival USCénica da Universidade de Santiago. A montaxe, que tiña previsto a súa estrea no Auditorio Municipal de Cangas o pasado 14 de marzo e representacións posteriores no Salón Teatro, tivo que pospoñer o seu encontro co público por mor da declaración do estado de alarma ata o 19 de xuño, día en que se estreou finalmente na Sala Ingrávida do Porriño.
O SÁBADO 4 E O DOMINGO 5 DE XULLO

Reabrimos as portas do Salón Teatro con Verdeveras e a estrea de 'Crónica dunha heterosexual insatisfeita', en coprodución co CDG

[23/06/2020] O Centro Dramático Galego (CDG) reabrirá as portas da súa sede do Salón Teatro, en Santiago de Compostela, coa estrea o sábado 4 e o domingo 5 de xullo de Crónica dunha heterosexual insatisfeita, espectáculo de Verdeveras Expresións Artísticas inserido no programa de coproducións da compañía da Xunta de Galicia.
NO SALÓN TEATRO DE SANTIAGO, ATA O DOMINGO 15

La Quintana Teatro estrea este xoves o espectáculo 'O premio' en coprodución do Centro Dramático Galego

Documento anexo[10/03/2020] A sede do Centro Dramático Galego (CDG) en Santiago ábrelle esta semana as súas portas a unha nova residencia artística, previa á estrea este xoves 12 do espectáculo O premio por La Quintana Teatro, en coprodución coa compañía da Xunta de Galicia. A formación coruñesa regresa así ao Salón Teatro, onde o pasado mes de outubro presentou a versión en galego de Desde lo invisible, o seu aplaudido espectáculo de debut.
DO VENRES 6 AO DOMINGO 8, NO SALÓN TEATRO

O novo circo, a danza aérea e a música electrónica suben ao escenario do CDG coa Compañía IO e o espectáculo '4 segundos'

Documento anexo[04/03/2020] O Centro Dramático Galego (CDG) ábrelle as portas do Salón Teatro de Santiago á Compañía IO, que esta fin de semana representa alí o seu espectáculo 4 segundos, no que mestura novo circo, danza e a experimentación coa música electrónica. Son tres as funcións da montaxe programadas neste espazo da Xunta, onde poderá verse o venres 6 e o sábado 7, ás 20,30 h., e o domingo 8, ás 18,30 h.
NO NOSO ESCENARIO, DO VENRES 28 AO DOMINGO 1

Pérez&Fernández estrea no Salón Teatro 'Os nenos da varíola' en coprodución co CDG

Documento anexo[26/02/2020] O espectáculo Os nenos da varíola, da compañía Pérez&Fernández en coprodución co Centro Dramático Galego (CDG), estréase este venres 28 no Salón Teatro de Santiago, onde poderá verse ata o domingo 1 de marzo. A novela homónima de María Solar cobra así vida sobre as táboas, recuperando para os espectadores as historias dalgúns dos protagonistas da Expedición Balmis, grazas á que a vacina da varíola chegou a América e a Asia desde A Coruña.

Anteriores | 1 2 3 4 5 6 7 8 9 10 11 12 13 14 15 16 17 18 19 20 | 21 | 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 | Seguintes


AGADIC Marca gráfica da Xunta de Galicia

Accesibilidade | Aviso legal