Centro Dramático Galego
[30/05/2017] O Centro Dramático Galego (CDG) representa esta fin de semana na Coruña o seu espectáculo Martes de Carnaval, que ofrece por primeira vez en galego os esperpentos de Valle-Inclán As galas do defunto e A filla do capitán. O Teatro Rosalía Castro ofrece dúas funcións o venres 2 e o sábado 3 de xuño, ás 20,30 h., do espectáculo dirixido pola creadora pontevedresa Marta Pazos e interpretado por un elenco de 10 actores e actrices. [29/05/2017] Por segundo ano consecutivo, o Salón Teatro de Santiago será un dos espazos que acolla a carteleira de filmes da duodécima Mostra Internacional de Cinema Etnográfico (MICE), organizada polo Museo do Pobo Galego. A partir de mañá e ata o día 3 de xuño, a sede do Centro Dramático Galego (CDG) transformarase nunha sala de cinema, na que se poderán ver 13 películas galegas e de fóra de Galicia. [28/05/2017] O Centro Dramático Galego (CDG) mantén aberto ata o 11 de xuño o prazo de inscrición para os dous cursos de verán que ofrecerá durante o mes de xullo na súa sede do Salón Teatro de Santiago. O traballo corporal centrará ambos os encontros, que serán impartidos por David Luque e Daniel Abreu do 17 ao 21 e do 24 ao 28 de xullo, respectivamente. [26/05/2017] O Centro Galego das Artes da Imaxe (CGAI-Filmoteca de Galicia) ofrecerá mañá, ás 18,00 h., na súa sede da Coruña a proxección do filme Esperpentos, de José Luis García Sánchez, nunha sesión especial que aborda a adaptación cinematográfica da obra de Valle-Inclán. O pase está programado de xeito previo ás funcións que o Centro Dramático Galego (CDG) ofrecerá a vindeira semana na cidade coa súa última produción, Martes de Carnaval, realizada tamén a partir de dúas pezas do autor arousán. [25/05/2017] A carteleira do Centro Dramático Galego (CDG) no Salón Teatro continúa coa súa programación para o mes de maio coa chegada da compañía viguesa Avento Producións Teatrais, que representará ata o domingo a obra BU21, un texto do británico Stuart Slade dirixido por Xoán Abreu. Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 | 23 | 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 | Seguintes
