AGADIC

Centro Dramático Galego


Novas

O traballo elaborouse ao abeiro do Fondo de Proxectos Culturais Xacobeo 2021 da Consellería de Cultura, Educación e Universidade

A Xunta achégalles a escena aos máis novos a través do recurso didáctico 'Das musas ao teatro'

Documento anexo[17/03/2021] O Centro Dramático Galego (CDG) pon á disposición dos centros educativos e da sociedade en xeral o recurso pedagóxico Das musas ao teatro. O espazo do espectáculo en Galicia, destinado a achegarlles aos máis novos a realidade da escena. Trátase dunha publicación dixital elaborada por Sheila García Prado e Ana Seoane Suárez ao abeiro do Fondo de Proxectos Culturais Xacobeo 2021, promovido pola Consellería de Cultura, Educación e Universidade.


O público achegarase ao proceso de creación dos proxectos e asistirá a unha breve representación de cada un deles

O Salón Teatro acolle unha mostra das propostas artísticas participantes no programa 'Residencias cruzadas'

[14/03/2021] O Salón Teatro de Santiago de Compostela acolle a vindeira semana unha mostra ao público do programa 'Residencias cruzadas', desenvolvido no espazo da Xunta ao longo de febreiro. O Centro Dramático Galego, unidade teatral da Xunta de Galicia, promoveu esta iniciativa para dinamizar o sector escénico ante a cancelación das funcións teatrais por mor da covid-19, aglutinou nove propostas artísticas combinadas en cinco proxectos.
Hoxe desenvolveuse a sesión ‘Monetiza a túa música’, no marco do V Ciclo de Xornadas das Industrias Musicais organizado pola Xunta e a Fundación Paideia

Profesionais da música analizan no Salón Teatro a rendibilidade da distribución nas plataformas dixitais

[13/03/2021] O Salón Teatro de Santiago de Compostela acolleu hoxe a primeira das sesións do V Ciclo de Xornadas das Industrias Musicais, organizado pola Xunta de Galicia e a Fundación Paideia Galiza. Baixo o título 'Monetiza a túa música en liña', expertos na materia abordaron as vías para rendibilizar a distribución musical a través das plataformas dixitais.
As tres creacións represéntanse os días 13, 14, 21 e 28 de marzo e englóbanse no marco das Residencias artísticas do Gaiás (REGA) 2021, impulsado pola Xunta

A Cidade da Cultura e o Centro Dramático Galego reinterpretan nove textos clásicos no ciclo anovador de 'Clásicas Desfeitas'

[11/03/2021] A Cidade da Cultura e o Centro Dramático Galego (CDG) amosan ao público este mes de marzo os proxectos artísticos 'Clásicas desfeitas', coproducidos por ambas institucións da Xunta de Galicia no marco do programa das 'Residencias artísticas do Gaiás' (REGA) 2021 impulsado polo Goberno autonómico. Nestas estadías creativas unha trintena de artistas traballaron con nove textos clásicos para reinterpretalos e ofrecer unhas anovadoras versións.
Coa súa adhesión á iniciativa ‘Temporadas de Igualdade MH nas artes escénicas’, promovida pola Asociación Clásicas e Modernas

O Centro Dramático Galego reforzará as accións a prol da igualdade na produción, difusión, gobernanza e comunicación

[08/03/2021] O Centro Dramático Galego (CDG) da Xunta de Galicia vén de sumarse á iniciativa Temporadas de Igualdade MH nas artes escénicas, promovida pola asociación para a igualdade de xénero na cultura Clásicas e Modernas. O director do CDG, Fran Núñez, formalizou a adhesión xunto coas representantes do colectivo en Galicia Mariana Carballal e Estíbaliz Veiga, con motivo da celebración do Día Internacional da Muller. Deste xeito o CDG comprométese a impulsar accións a prol da igualdade nos ámbitos da produción e a difusión, da gobernanza e da comunicación por un período de tres anos, en liña co traballo desenvolvido pola anterior dirección.


Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 | 25 | 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 | Seguintes


AGADIC Marca gráfica da Xunta de Galicia

Accesibilidade | Aviso legal