AGADIC

Centro Dramático Galego


Novas

ESTREARASE O 1 DE XUÑO NO SALÓN TEATRO DE SANTIAGO

Comezan no Porto os ensaios de 'O mundo persistente', espectáculo dirixido polo galego Tito Asorey dentro do Proxecto Nós

[05/04/2016] O espectáculo ‘O mundo persistente’, que estes días comeza o seu primeiro período de ensaios no Porto, é a nova proposta xurdida ao abeiro do ‘Proxecto NÓS Territorio (es)Cénico Portugal Galicia’, rede de intercambio teatral co país veciño na que a Consellería de Cultura, Educación e Ordenación Universitaria participa a través do Centro Dramático Galego (CDG) e a Escola Superior de Arte Dramática (ESAD) de Galicia.
ESTE DOMINGO 3, ÁS 19.00 HORAS

La Macana chega ao Salón Teatro co espectáculo de danza 'Invisible Wires', coproducido pola Agadic

Documento anexo[01/04/2016] A danza ocupará este domingo, ás 19.00 horas, o escenario do Salón Teatro de Santiago con ‘Invisible Wires’, proposta da compañía galega La Macana que conta coa participación da Axencia Galega das Industrias Culturais (Agadic) como entidade coprodutora. A sede do Centro Dramático Galego (CDG) é un dos espazos incluídos na xira galega deste espectáculo internacional que, tras a súa estrea o pasado 11 de marzo no Tanzhaus de Düsseldorf (Alemaña), se representa hoxe no Teatro Rosalía Castro da Coruña e mañá sábado, no Pazo da Cultura de Carballo.
O VENRES 1 E O SÁBADO 2, ÁS 22.00 HORAS

O ciclo Santiautor ofrece no Salón Teatro as actuacións de Escuchando Elefantes e de Adriana Moragues con Elvira Sastre

Documento anexo[30/03/2016] O Salón Teatro, espazo compostelán da Consellería de Cultura, Educación e Ordenación Universitaria, é un dos cinco escenarios que acollen este ano a nova edición do ciclo Santiautor, dentro do que este venres día 1 actuará o dúo coruñés Escuchando Elefantes e o sábado 2 farao a cantautora Adriana Moragues xunto á poetisa Elvira Sastre. Ambos os concertos están programados para as 22.00 horas.
SERÁ UN LABORATORIO DE CREACIÓN CON DEZ INTÉRPRETES

O CDG colabora coa sala madrileña LaZonaKubik nun taller actoral co autor xaponés Shiro Maeda e a directora Fefa Noia

Documento anexo[16/03/2016] A sala de teatro madrileña LaZonaKubik desenvolve ata o vindeiro 22 de marzo un taller-laboratorio de creación para actores e actrices arredor da obra do autor xaponés Shiro Maeda, quen conducirá o encontro xunto coa directora do Centro Dramático Galego (CDG), Fefa Noia.
ESTE SÁBADO 12, Ás 21.00 HORAS

O cantautor compostelán Xosé Constenla regresa ao Salón Teatro para presentar o seu disco 'Virada por avante'

Documento anexo[10/03/2016] Xosé Constenla actuará este sábado 12, ás 21.00 horas, no Salón Teatro de Santiago para presentar en directo os temas de ‘Virada por avante’, o seu novo disco. O cantautor compostelán regresa así ao mesmo escenario que en 2013 acollera a gravación en directo de ‘Sinecismo’, o seu anterior traballo, que tamén presentou diante do público na sede do Centro Dramático Galego.

Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 | 32 | 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 | Seguintes


AGADIC Marca gráfica da Xunta de Galicia

Accesibilidade | Aviso legal