AGADIC

Centro Dramático Galego


Novas

DO XOVES 21 AO DOMINGO 24 DE FEBREIRO

O CDG ábrelle as portas do Salón Teatro á comedia 'O furancho' de Ibuprofeno

Documento anexo[19/02/2019] A sede do Centro Dramático Galego no Salón Teatro de Santiago converterase esta semana nun "resort vitivinícola" para acoller a premiada comedia O furancho, da compañía Ibuprofeno Teatro. Marián Bañobre e Isabel Risco son as protagonistas desta montaxe, escrita e dirixida por Santiago Cortegoso, que poderá verse en Compostela do xoves 21 ao domingo 24.
A SEMANA QUE VÉN COMEZAN OS ENSAIOS BAIXO A DIRECCIÓN DE GENA BAAMONDE

O CDG levará a escena a súa produción 'Neorretranca e posmorriña' cun elenco integramente feminino

Documento anexo[08/02/2019] O Centro Dramático Galego (CDG) contará cun elenco integramente feminino para a súa nova produción propia, Neorretranca e posmorriña, que se estreará o vindeiro 11 de abril no Salón Teatro de Santiago de Compostela baixo a dirección escénica de Gena Baamonde. As intérpretes Ánxela Blanco, Areta Bolado, Olga Cameselle, Mercedes Castro, Raquel Espada, Anabell Gago, Atenea García, Andrea Quintana, María Roja e Laura Villaverde foron as seleccionadas para encarnar todos os personaxes das dúas pezas que lle darán forma ao espectáculo: Fantasía nº 5 en sol ou non, de Esther F. Carrodeguas, e Boisaca ou a divina desgraza, de Roi Vidal Ponte.
EN SANTIAGO DE COMPOSTELA, DESDE MAÑÁ E ATA O DOMINGO

ArtesaCía representa a comedia 'Chola a it girl' no Salón Teatro dentro do programa de residencias artísticas do CDG

Documento anexo[30/01/2019] ArtesaCía traballa esta semana na sede do Centro Dramático Galego (CDG) no Salón Teatro de Santiago, onde desde mañá día 31 ao domingo 3 de febreiro representará a comedia Chola a it girl. Farao como unha das cinco compañías que participan esta temporada no programa de residencias artísticas da compañía pública, que pon á súa disposición as instalacións da súa sede e o apoio do equipo técnico para ultimar ou perfeccionar as súas propostas.
CREADO XUNTO Á COMPAÑÍA COLOMBIANA EL ARCA DE N.O.E., REPRESENTARASE NO SALÓN TEATRO DO XOVES 24 AO DOMINGO 27

Berrobambán e o Centro Dramático Galego estrean en Santiago a coprodución internacional 'Doppelgänger'

Documento anexo[23/01/2019] O programa de coproducións do Centro Dramático Galego (CDG) estrea mañá xoves no Salón Teatro de Santiago o espectáculo internacional Doppelgänger, resultado dun proceso de creación colaborativo entre a compañía galega Berrobambán e a colombiana El Arca de N.O.E. co apoio da unidade de produción teatral da Xunta. O espectáculo, que toma o seu título do termo alemán que significa "o dobre que camiña ao lado", poderá verse na sede do Centro Dramático Galego ata o día 27, con funcións ás 20,30 h. de xoves a sábado e ás 18,00 h o domingo.
PRODUCE 'NEORRETRANCA E POSMORRIÑA' E PARTÍCIPA NOUTROS CINCO ESPECTÁCULOS EN RÉXIME DE COPRODUCIÓN

A Identidade e a nova dramaturxia de Galicia protagonizan a temporada do Centro Dramático Galego

Documento anexo[21/01/2019] O impulso á dramaturxia galega contemporánea e a reflexión sobre a nosa identidade como pobo centran unha parte importante da nova temporada escénica do Centro Dramático Galego (CDG), que foi presentada hoxe na súa sede do Salón Teatro de Santiago de Compostela. Así, arredor deste dous eixos xira a nova produción propia da compañía da Xunta, 'Neorretranca e posmorriña', que dirixirá Gena Baamonde a partir dos textos 'Sinfonía en sol maior ou non', de Esther Carrodeguas, e 'Boisaca ou a divina desgraza', de Roi Vidal Ponte.


Anteriores | 1 2 3 4 5 | 6 | 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 | Seguintes


AGADIC Marca gráfica da Xunta de Galicia

Accesibilidade | Aviso legal