CDG: Novas

Novas

UNS 150 ESTUDANTES DE FERROL, VALGA E VIVEIRO ABRIRON HOXE O PROGRAMA DE FUNCIÓNS CONCERTADAS CON INSTITUTOS, PARA O QUE SE EDITOU UN EXHAUSTIVO CADERNO PEDAGÓXICO

Máis de 1.200 alumnos de toda Galicia asistirán ao espectáculo "Días sen gloria" dentro da campaña escolar que o Centro Dramático Galego desenvolve no Salón Teatro

[10/04/2013] A Consellería de Cultura, Educación e Ordenación Universitaria abriu esta mañá no Salón Teatro de Santiago a campaña escolar de difusión teatral arredor do espectáculo do Centro Dramático Galego (CDG) Días sen gloria, versión da obra de Roberto Vidal Bolaño baixo a dirección de Fefa Noia á que asistirán máis de 1.200 alumnos dunha vintena de centros educativos de toda Galicia.

A PRIMEIRA FUNCIÓN DO ESPECTÁCULO, DIRIXIDO POR RUBÉN RUIBAL, TERÁ LUGAR MAÑÁ ÁS 20.30 HORAS NO TEATRO ROSALÍA DE CASTRO

A Aula de Teatro da Universidade da Coruña estrea "A burla do galo" de Roberto Vidal Bolaño co apoio do CDG

[09/04/2013] A Consellería de Cultura, Educación e Ordenación Universitaria, a través do Centro Dramático Galego (CDG), colabora coa Aula de Teatro da Universidade da Coruña-TeatroNORMAL na posta en escena da súa versión de A burla do galo, de Roberto Vidal Bolaño, que estrea mañá mércores 10, ás 20.30 horas, no Teatro Rosalía de Castro como parte do cartel do XX Festival Internacional de Teatro Universitario da Coruña.

O CONSELLEIRO DE CULTURA E EDUCACIÓN ASISTE AO EVENTO NUN SALÓN TEATRO CON CHEO ABSOLUTO

O Centro Dramático Galego reúne a familia e amigos de Roberto Vidal Bolaño na estrea de ''Días sen gloria''

[05/04/2013] O Centro Dramático Galego (CDG) da Consellería de Cultura, Educación e Ordenación Universitaria congregou esta noite no Salón Teatro de Santiago a familia, amigos e compañeiros de Roberto Vidal Bolaño na estrea da produción Días sen gloria, baixo a dirección de Fefa Noia, como homenaxe escénica ao autor ao que se lle dedica o Día das Letras. O conselleiro Xesús Vázquez Abad asistiu a esta primeira función do espectáculo, que contou coa presenza de numerosas personalidades do ámbito institucional, académico e cultural galego.

O CDG HOMENAXEA O AUTOR COMPOSTELÁN RECUPERANDO PARA AS TÁBOAS, DA MAN DA DIRECTORA FEFA NOIA, UNHA DAS OBRAS QUE MELLOR RESUME O SEU UNIVERSO TEATRAL

O Centro Dramático Galego estrea "Días sen gloria" como eixo da súa programación dedicada a Roberto Vidal Bolaño

[03/04/2013] O Centro Dramático Galego (CDG) da Consellería de Cultura, Educación e Ordenación Universitaria estrea este venres 5 ás 21.00 horas no Salón Teatro de Santiago a produción Días sen gloria, dirixida pola galega Fefa Noia a partir da que está considerada como unha das obras mestras de Roberto Vidal Bolaño. Trátase dunha historia de tinturas épicas sobre unha viaxe sen retorno, co Camiño de Santiago como fío condutor, que regresa agora aos escenarios como proposta central da programación que a compañía pública desenvolve en homenaxe ao dramaturgo compostelán no ano en que se lle dedica o Día das Letras Galegas.

MONTSERRAT PENA PRESAS ELABORA O MATERIAL DIDÁCTICO SOBRE A PEZA DE VIDAL BOLAÑO QUE ESTÁ A DIRIXIR FEFA NOIA

Cultura e Educación publica un caderno pedagóxico dixital para a difusión escolar do espectáculo do CDG "Días sen gloria"

[19/03/2013] Consellería de Cultura, Educación e Ordenación Universitaria publicará un caderno pedagóxico dixital dirixido ao fomento no medio escolar da obra de Roberto Vidal Bolaño Días sen gloria, a través da proposta escénica que o Centro Dramático Galego (CDG) estreará o próximo 5 de abril baixo a dirección de Fefa Noia.

Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 | 74 | 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 | Seguintes

Accesibilidade | Aviso legal