AGADIC

Centro Dramático Galego


Novas

O TEATRO PRINCIPAL ACOLLE DÚAS FUNCIÓNS, MAÑÁ MARTES ÁS 21.00 H E O MÉRCORES 23 ÁS 12.00

"Salomé" represéntase en Pontevedra dentro da programación do Salón do Libro Infantil e Xuvenil

Documento anexo[21/02/2011] O Centro Dramático Galego (CDG) preséntase a partir de mañá en Pontevedra con motivo da xira galega que está a desenvolver co seu espectáculo Salomé, adaptación da obra de Oscar Wilde dirixida por Carlos Santiago. A última montaxe da compañía pública, que afonda na visión do poder como forza invariable e amosa outra interpretación do texto cunha lectura máis política e actual, poderá verse no Teatro Principal mañá martes 22, ás 21.00 horas, e o mércores 23, ás 12.00 horas (función concertada para escolares), como parte da programación do 12º Salón do Libro Infantil e Xuvenil.
A INTÉRPRETE FRANCESA PRESENTA "THE TRIP", O DISCO CO QUE DEBUTA EN SOLITARIO E NO QUE PRESCINDE DOS ARRANXOS PARA OFRECER UN TON MÁIS INTROSPECTIVO

O Festival Sinsal regresa ao Salón Teatro de Santiago cun concerto de Laetitia Sadier, a voz de Stereolab

Documento anexo[17/02/2011] A inconfundible voz de Stereolab, Laetitia Sadier, inaugura este domingo 20, ás 20.30 horas, a quinta edición da extensión do Festival Sinsal en Santiago cun concerto en que presentará o seu debut en solitario, The Trip, unha colleita de cancións de aparencia sinxela que agochan toda a profundidade que caracteriza o seu traballo desde os inicios.
A REPRESENTACIÓN TERÁ LUGAR O VENRES 18 ÁS 21.30 HORAS

A xira do Centro Dramático con "Salomé" fai parada en Tui para ofrecer unha función no Teatro Municipal

Documento anexo[16/02/2011] O Centro Dramático Galego (CDG) representa esta semana en Tui o seu espectáculo Salomé, dirixido por Carlos Santiago a partir da obra de Oscar Wilde. A función desta última montaxe da compañía pública, que ofrece unha lectura máis política e actual do texto do gran dramaturgo irlandés, celebrarase o vindeiro venres 18 de febreiro, ás 21.30 horas, no Teatro Municipal de Tui, edificio Área Panorámica.
A MONTAXE, A TRAVÉS DA QUE SE OFRECE UN PERCORRIDO SEN PALABRAS POLOS SENTIMENTOS HUMANOS, ESCENIFÍCASE ESTE SÁBADO 19 ÁS 20.30 HORAS

A Fundación IgualArte presenta no Salón Teatro o espectáculo de danza e música "Axóuxere de cores"

Documento anexo[16/02/2011] O Salón Teatro de Santiago acolle este sábado 19 de febreiro ás 20.30 horas Axóuxere de cores, unha proposta escénica da Fundación IgualArte que aposta pola ruptura dos prexuízos e as fronteiras sociais. O movemento, a expresión corporal e a música conviven neste espectáculo, realizado por persoas con necesidades educativas específicas no marco dun programa artístico pioneiro en Galicia.
O DIRECTOR E ACTOR GALEGO, CON AMPLA EXPERIENCIA NA ESCENA FRANCESA, AFONDARÁ NAS CLAVES PARA A CONSTRUCIÓN DOS PERSONAXES CREADOS POLO GRAN COMEDIÓGRAFO

A interpretación no teatro de Molière centra o curso do CDG que imparte desde hoxe Mario Tomás

[14/02/2011] Unha decena de actores e actrices asiste desde hoxe ao curso sobre Molière que, organizado polo Centro Dramático Galego (CDG), imparte en Santiago o director, intérprete e dramaturgo galego Mario Tomás. Esta actividade docente, que se desenvolve ata o vindeiro 24 de febreiro na sala de teatro Roberto Vidal Bolaño da Universidade de Santiago, enmárcase dentro do novo programa de formación continua para profesionais da escena impulsado pola compañía pública, despois dunha primeira experiencia desenvolvida o pasado mes de setembro co encontro sobre o teatro de Shakespeare a cargo de Alfredo Padilla.

Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 | 99 | 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 | Seguintes


AGADIC Marca gráfica da Xunta de Galicia

Accesibilidade | Aviso legal