AGADIC

Centro Dramático Galego


Novas

A POSTA EN ESCENA DAS PEZAS SUPORÁ A CONTRATACIÓN DE 22 INTÉRPRETES

O Centro Dramático Galego asume a produción de dous novos espectáculos dirixidos por Cándido Pazó e Marta Pazos

[15/07/2021] O Centro Dramático Galego asume a produción propia de dous novos espectáculos baixo a dirección de Cándido Pazó e de Marta Pazos nunha nova aposta pola dramaturxia galega contemporánea e polos clásicos. Na primeira estrea prevista, unha adaptación de 'A peste' de Albert Camus, estará á fronte Cándido Pazó. A segunda, 'Ás 8 da tarde cando morren as nais', será dirixida por Marta Pazos a partir da dramaturxia de AveLina Pérez, gañadora en 2018 do Premio Álvaro Cunqueiro para textos teatrais convocado pola Xunta. A posta en escena das pezas suporá a contratación de 22 intérpretes, ao abeiro dunha convocatoria que se anunciará este venres día 16 no Diario Oficial de Galicia, e un investimento de case 600.000 euros.
O PÚBLICO TERÁ A NOVA OPORTUNIDADE DE VER O ESPECTÁCULO DO XOVES 15 AO DOMINGO 18, CUNHA REPRESENTACIÓN DIARIA

O Salón Teatro acolle novas funcións da produción do Centro Dramático Galego 'Terceiro acto'

[11/07/2021] O Salón Teatro acolle a partir deste xoves catro novas funcións de 'Terceiro acto', a última produción do Centro Dramático Galego (CDG), unidade de produción teatral da Xunta, estreada o pasado 15 de abril e que estivo en cartel durante un mes con máis de 30 funcións. A peza dirixida por Andrea Jiménez e Noemi Rodríguez e interpretada por Belén Constenla, Roberto Leal, Fernando Morán, Mabel Rivera e Tatán R. Cunha representarase do xoves 15 ao sábado 17 ás 21,00 h e o domingo 18, ás 19.00 h. As entradas xa están á venda en ataquilla.com e poderán adquirirse no despacho de billetes desde dúas horas antes de cada pase.
O ESPECTÁCULO, COPRODUCIDO POLA UNIDADE DE PRODUCIÓN TEATRAL DA XUNTA E A COMPANHIA DE TEATRO DE BRAGA, LEVA Á ESCENA A CONSIDERADA PRIMEIRA OBRA TEATRAL ESCRITA EN GALEGO CO GALLO DO SEU 350º ANIVERSARIO

'A contenda do río Miño' estréase mañá en Galicia no marco da Mostra Internacional de Teatro Cómico e Festivo de Cangas

[09/07/2021] O Centro Dramático Galego (CDG), unidade de produción teatral da Xunta, e a Companhia de Teatro de Braga (CTB) representan mañá na Mostra Internacional de Teatro Cómico e Festivo de Cangas 'A contenda dos labradores de Caldelas ou Entremés famoso sobre a pesca do río Miño'. O Auditorio Municipal da vila do Morrazo acollerá así, ás 22,30 h., a estrea en Galicia do espectáculo que leva a escena a considerada primeira obra teatral escrita en galego, asinada por Gabriel Feixóo de Araúxo e datada en 1671.
AS TRES PRODUCIÓNS PROPIAS DE DRAMATURXIA GALEGA SUPUXERON UN INVESTIMENTO DE CASE 800.000 EUROS E A IMPLICACIÓN DIRECTA DE MÁIS DE 50 PROFESIONAIS

A Xunta reforza o Centro Dramático Galego como motor de creación escénica con 123 funcións en 2021 e proxectos en máis dun cento de concellos

[07/07/2021] O Centro Dramático Galego (CDG) reforzouse no último ano como motor de creación escénica apostando pola produción de espectáculos co foco posto na vocación de servizo público e de compromiso co sector. Así o manifestou hoxe o director da Axencia Galega das Industrias Culturais (Agadic), Jacobo Sutil, na intervención parlamentaria ante a Comisión 4ª de Educación e Cultura para facer balance da actividade da unidade de produción teatral da Xunta. Sutil fixo un percorrido polas diversas iniciativas impulsadas polo CDG nun contexto de especial incerteza e dificultade no eido cultural, por mor das restricións derivadas da pandemia.
PRESÉNTASE NO MARCO DA DESIGNACIÓN DE PORTUGAL COMO PAÍS CONVIDADO DA 44º EDICIÓN DO FESTIVAL INTERNACIONAL DE TEATRO CLÁSICO DA VILA MANCHEGA

O Centro Dramático Galego e a Companhia de Teatro de Braga estrean en Almagro 'A contenda do río Miño'

[03/07/2021] O Centro Dramático Galego (CDG), unidade de produción teatral da Xunta de Galicia, estreou a pasada noite en Almagro 'A contenda dos labradores de Caldelas ou Entremés famoso sobre a pesca do río Miño', en coprodución coa Companhia de Teatro de Braga. A posta en escena da primeira peza teatral en lingua galega conservada, obra de Gabriel Feixoo de Araúxo, enmárcase no 350º aniversario da escrita e nas designacións de Portugal como país convidado da 44º edición do Festival Internacional de Teatro Clásico da vila manchega e de Braga como Capital Cultural do Eixo Atlántico. Hoxe haberá unha nova función, á que asistirán o secretario xeral de Política Lingüística, Valentín García, e o director da Axencia Galega de Industrias Culturais (Agadic), Jacobo Sutil.

Anteriores | 1 2 3 4 5 6 7 8 9 10 11 | 12 | 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 | Seguintes


AGADIC Marca gráfica da Xunta de Galicia

Accesibilidade | Aviso legal