AGADIC

Centro Dramático Galego


Novas

AO ABEIRO DO PROGRAMA DE RESIDENCIAS ARTÍSTICAS DO GAIÁS

A Xunta presenta unha visión contemporánea do teatro medieval galego e portugúes coa nova edición do ciclo 'Clásicas desfeitas'

[10/03/2022] A Xunta presenta este mes os volumes 4 e 5 do ciclo 'Clásicas desfeitas', que este ano leva a escenarios non convencionais obras inspiradas na literatura medieval galega e na renacentista portuguesa. Os dous proxectos, están a tomar forma xa no marco do programa de apoio ao talento creativo das Residencias Artísticas do Gaiás co propósito de achegar unha ollada renovada e actual sobre o patrimonio cultural e artístico.
HABERÁ FUNCIÓNS NO TEATRO PRINCIPAL OS DÍAS 4 E 5 ÁS 20,30 HORAS

Condetrespés e o Centro Dramático Galego estrean 'Rastros' en Santiago no marco da programación da Xunta na Rede Galega de Teatros e Auditorios

[03/03/2022] O Centro Dramático Galego (CDG) estrea mañá venres no Teatro Principal de Santiago de Compostela a coprodución 'Rastros', da compañía Condetrespés, no marco da programación da Rede Galega de Teatros e Auditorios impulsada pola Xunta en colaboración co Concello. Segundo se informou hoxe nunha rolda de prensa na que participaron o secretario xeral de Política Lingüística, Valentín García, e o director do Centro Dramático Galego, Fran Núñez, haberá funcións os días 4 e 5 ás 20,30 horas e a primeira delas incluirá un encontro ao remate. As entradas poden adquirirse de xeito anticipado no Punto de Información Cultural do concello Zona C, situado na Praza de Cervantes, e no mesmo día do espectáculo no propio teatro, desde unha hora antes do inicio.
PRESENTÁRONSE AS NOVIDADES DO PROGRAMA, NO QUE PARTICIPA O CDG

A Xunta promove coas Residencias Artísticas do Gaiás 25 proxectos de vangarda e anuncia unha convocatoria para sumar novos colectivos

[02/03/2022] A Xunta deu a coñecer hoxe o programa de 'Residencias Artísticas do Gaiás deste ano (REGA 22)' que se desenvolverá na Cidade da Cultura co obxectivo de apoiar o talento e dar visibilidade á creación contemporánea, tanto galega como internacional. A través das 'REGA', o Goberno galego dá continuidade e amplía a ambiciosa liña de traballo iniciada en 2021 para consolidar o Gaiás como rótula do ecosistema cultural galego e impulsar dentro do sector procesos de investigación, innovación e formación, en liña cos obxectivos do II Plan Estratéxico da Cidade da Cultura.
A FUNCIÓN INAUGURAL SERÁ O VENRES NO AUDITORIO MUNICIPAL ÁS 20,00 HORAS

A coprodución de Inversa Teatro co Centro Dramático Galego 'O péndulo' estréase en Vigo no marco da Rede Galega de Teatros e Auditorios da Xunta

[02/03/2022] A compañía Inversa Teatro e o Centro Dramático Galego (CDG) estrean este venres ás 20,00 horas no Auditorio Municipal de Vigo a coprodución O péndulo, na que tamén participan a Mostra Internacional de Teatro de Ribadavia e a Área de Memoria Histórica da Deputación de Pontevedra. A representación, que terá lugar ás 20,00 horas, forma parte da actividade da Rede Galega de Teatros e Auditorios impulsada pola Xunta en colaboración co Concello. As entradas poden adquirirse de xeito anticipado na web www.giglon.com e na libraría Librouro, así como no despacho de billetes do auditorio no mesmo día do espectáculo desde unha hora antes do inicio
AS PERSOAS CON DISCAPACIDADE VISUAL OU AUDITIVA XA PODEN BENEFICIARSE DA MEDIDA NAS SESIÓNS DE 'A PESTE'

O Centro Dramático Galego estrea un pioneiro sistema inclusivo en todas as funcións do Salón Teatro

[24/02/2022] O Centro Dramático Galego (CDG), unidade teatral da Xunta de Galicia, vén de poñer en marcha no Salón Teatro de Santiago de Compostela un sistema pioneiro de teatro inclusivo que permite dispoñer en todas as funcións de interpretación en lingua de signos, subtítulos e audiodescrición. Trátase dunha aplicación específica que funciona co programa de son Qlab e permite ir axustando en directo estes servizos, ata o de agora só dispoñibles en sesións puntuais.

Anteriores | 1 2 3 4 5 6 7 8 9 10 11 12 | 13 | 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 | Seguintes


AGADIC Marca gráfica da Xunta de Galicia

Accesibilidade | Aviso legal