AGADIC

Centro Dramático Galego


Novas

O ACRÓBATA DO MASTRO CHINÉS JOÃO P. PEREIRA DOS SANTOS DESAFÍA A GRAVIDADE DURANTE A EXECUCIÓN DA COREOGRAFÍA ESPECIALMENTE CREADA PARA EL POR RUI HORTA

Continúa no Salón Teatro o ciclo "Circo en escena" coa montaxe "Contigo" dos portugueses O Último Momento

[06/02/2009] O Salón Teatro de Santiago acolle esta fin de semana -sábado 7 ás 20.30 horas e domingo 8 ás 18.00 horas- dúas funcións do espectáculo de mastro chinés Contigo, a cargo da compañía portuguesa O Último Momento. Continúa así o ciclo "Circo en escena", unha iniciativa pioneira en Galicia que durante este mes de febreiro amosa no espazo que xestiona o Centro Dramático Galego (CDG) algunhas das propostas que están a ser escenificadas nos festivais e programacións máis prestixiosos do mundo.
O ESPECTÁCULO, DIRIXIDO POLO PORTUGUÉS NUNO CARDOSO, REPRESENTARASE NO AUDITORIO MUNICIPAL O XOVES 5 PARA ESTUDANTES E O VENRES 6 PARA PÚBLICO XERAL

"A boa persoa de Sezuán" do Centro Dramático Galego chega a Vilagarcía de Arousa

Documento anexo[03/02/2009] O Auditorio Municipal de Vilagarcía acolle esta semana o último espectáculo do Centro Dramático Galego (CDG), A boa persoa de Sezuán, versión en galego da obra de Bertolt Brecht que chega da man de Nuno Cardoso, un dos directores máis destacados da nova escena portuguesa. Esta fábula amarga sobre a busca da bondade nunha sociedade corrompida polos excesos capitalistas supón, así mesmo, a incorporación do dramaturgo alemán ao repertorio da compañía pública. En Vilagarcía, o CDG ofrecerá dúas funcións desta produción -a primeira da súa temporada 2008-2009- o xoves 5, ás 10.30 horas (concertada para estudantes), e o venres 6, ás 21.00 horas.
CIRCO CONTEMPORÁNEO, FLAMENCO E MÚSICA EN DIRECTO DANSE A MAN NESTA MONTAXE QUE PODERÁ VERSE EN SANTIAGO O XOVES 5 E O VENRES 6 ÁS 20.30 H

A compañía andaluza Varuma abre o ciclo "Circo en escena" do Salón Teatro co espectáculo "Malgama"

[03/02/2009] A fusión do novo circo e o flamenco chega ao Salón Teatro de Santiago da man da compañía andaluza Varuma Teatro, que escenificará o xoves 5 e o venres 6, ás 20.30 horas, a peza Malgama. Con este espectáculo iníciase no escenario que xestiona o Centro Dramático Galego (CDG) o ciclo "Circo en escena", dentro do que tamén actuarán a compañía portuguesa O Último Momento coa montaxe Contigo (días 7 e 8), a galega Maquinaria Pesada que debutará coa estrea de As vingadoras (días 14 e 15), e finalmente, os franceses Ieto co espectáculo homónimo, premiado no festival Jeunes Talents Cirque Europe 2008 (días 19 e 20).
A MONTAXE, REALIZADA POR UN EQUIPO GALEGO-PORTUGUÉS DO QUE FORMAN PARTE DOCE ACTORES E ACTRICES, REPRESÉNTASE O XOVES 29, ÁS 10.30 H, PARA ESTUDANTES E O VENRES 30, ÁS 20.30 H, PARA PÚBLICO XERAL

O CDG representa "A boa persoa de Sezuán" no Teatro Jofre de Ferrol

Documento anexo[27/01/2009] O Teatro Jofre de Ferrol acolle esta semana o último espectáculo do Centro Dramático Galego (CDG), A boa persoa de Sezuán, versión en galego da obra de Bertolt Brecht que chega da man de Nuno Cardoso, un dos directores máis destacados da nova escena portuguesa. Esta fábula amarga sobre a busca da bondade nunha sociedade corrompida polos excesos capitalistas supón, así mesmo, a incorporación do dramaturgo alemán ao repertorio da compañía pública. En Ferrol, o CDG ofrecerá dúas funcións desta produción, a primeira da súa temporada 2008-2009: o xoves 29, ás 10.30 horas (concertada para estudantes), e o venres 30, ás 20.30 horas, para público xeral.
UNHA NOVA EXTENSIÓN DO FESTIVAL DE MÚSICA SINSAL COMPLETARÁ A CARTELEIRA DE 50 FUNCIÓNS PREVISTAS PARA O ESPAZO ESCÉNICO QUE XESTIONA O CENTRO DRAMÁTICO GALEGO

O ciclo "Circo en escena" e a estrea de "As dunas" protagonizan a programación de inverno do Salón Teatro

Documento anexo[22/01/2009] O Salón Teatro de Santiago enfronta un novo período de programación trimestral co teatro e o novo circo como grandes protagonistas. O espazo escénico xestionado polo Centro Dramático Galego (CDG), que acolle na actualidade e até o 31 de xaneiro a reposición da produción propia Noite de Reis como primeira actividade anual, desenvolverá até finais de marzo un total de 50 funcións a cargo de sete formacións artísticas.

Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 | 128 | 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 | Seguintes


AGADIC Marca gráfica da Xunta de Galicia

Accesibilidade | Aviso legal