AGADIC

Centro Dramático Galego


Novas

PAMPLONA E ZARAGOZA SERÁN AS PRÓXIMAS PARADAS DO MUSICAL DO CDG, QUE REGRESARÁ A GALICIA A PARTIR DO DÍA 17 CON REPRESENTACIÓNS NA CORUÑA, VIGO, OURENSE E NARÓN

'A ópera dos tres reás' retoma a súa xira con dúas funcións no Teatro Liceo de Salamanca

Documento anexo[01/09/2011] O Centro Dramático Galego (CDG) retoma esta semana a xira do espectáculo musical A ópera dos tres reás, co que se presenta mañá venres día 2 e o sábado día 3 no Teatro Liceo de Salamanca. A compañía pública galega viaxará a continuación a Pamplona e Zaragoza para ofrecer outras cinco funcións desta versión do clásico de Bertolt Brecht e Kurt Weill, que conta con Quico Cadaval na dirección escénica, Diego García Rodríguez na musical e un extenso elenco de actores e músicos encabezado por Luis Tosar.
A COMPAÑÍA PÚBLICA GALEGA ACTÚA MAÑÁ E O VENRES NUN GRAN ESCENARIO AO AIRE LIBRE CON CAPACIDADE PARA UNS 1.500 ESPECTADORES

'A ópera dos tres reás' clausura o Festival de Teatro, Música e Danza das Palmas na primeira visita do CDG ás Illas Canarias

Documento anexo[10/08/2011] O Centro Dramático Galego (CDG) clausura esta semana o 15º Festival Internacional de Teatro, Música y Danza das Palmas co seu espectáculo musical A ópera dos tres reás, na que é a primeira presentación da compañía pública galega nas Illas Canarias. Un gran escenario ao aire libre, con capacidade para uns 1.500 espectadores, acollerá mañá xoves 11 e o venres 12 dúas funcións desta versión do clásico de Bertolt Brecht e Kurt Weill, que conta con Quico Cadaval na dirección escénica, Diego García Rodríguez na musical e un extenso elenco de actores e músicos encabezado por Luis Tosar.
UNS 4.500 ESPECTADORES TERÁN ASISTIDO AO ESPECTÁCULO NO TEATRO FERNÁN GÓMEZ, QUE AMPLIOU O AFORO INICIAL DEBIDO Á GRAN DEMANDA DO PÚBLICO

'A ópera dos tres reás' do CDG logra cheo absoluto nas súas dúas semanas de funcións en Madrid

Documento anexo[31/07/2011] O Centro Dramático Galego (CDG) conclúe esta noite as dúas semanas de exhibición de 'A ópera dos tres reás' no Teatro Fernán Gómez de Madrid, onde esta versión do clásico de Bertolt Brecht e Kurt Weill está a obter un gran éxito de público, co aforo completo en todas as representacións. Arredor de 4.500 espectadores terán asistido no céntrico escenario madrileño ás nove funcións deste espectáculo musical, que a compañía da Consellería de Cultura e Turismo produciu co patrocinio de Novacaixagalicia, Fundación Cidade da Cultura e Fundación Gaiás-Cidade da Cultura, no marco da celebración do Ano da Música de Galicia.
A MONTAXE ESTARÁ DÚAS SEMANAS NO TEATRO FERNÁN GÓMEZ, ONDE INICIA A XIRA NACIONAL E ESTREA A VERSIÓN EN CASTELÁ

Roberto Varela presenta en Madrid 'A ópera dos tres reás' como "un exemplo do bo traballo que se está a facer nas artes escénicas de Galicia"

Documento anexo[19/07/2011] O conselleiro de Cultura e Turismo, Roberto Varela, presentou esta mañá no Teatro Fernán Gómez de Madrid o primeiro gran espectáculo do Centro Dramático Galego (CDG), ‘A ópera dos tres reás’, producida co patrocinio de Novacaixagalicia, Fundación Cidade da Cultura e Fundación Gaiás-Cidade da Cultura e inserida nas programacións do Ano da Música e de Galicia Classics. O conselleiro destacou na súa intervención como ‘A ópera dos tres reás’, que conta con Quico Cadaval na dirección escénica, Diego García Rodríguez na musical e Luis Tosar como protagonista, "é, sen dúbida, unha aposta importante para a cultura galega e exemplifica o bo traballo que se fixo nas artes escénicas da nosa Comunidade nos últimos anos".
REPRESÉNTASE MAÑÁ VENRES 8 E O SÁBADO 9, ÁS 20.30 HORAS, NO CENTRO SOCIAL NOVACAIXAGALICIA DENTRO DA PROGRAMACIÓN DO FESTIVAL INTERNACIONAL RÍAS BAIXAS

O CDG chega a Pontevedra co espectáculo de teatro musical 'A ópera dos tres reás'

Documento anexo[07/07/2011] A ópera dos tres reás, primeiro espectáculo musical de gran formato producido polo Centro Dramático Galego (CDG), represéntase mañá venres 8 e o sábado 9 ás 20.30 horas en Pontevedra como parte da programación que o Festival Internacional Rías Baixas (Festibaixas) desenvolve no Auditorio do Centro Social Novacaixagalicia. Quico Cadaval, na dirección escénica, e Diego García Rodríguez, na musical, asinan a versión galega do clásico de Bertolt Brecht e Kurt Weill, que interpreta un extenso elenco de 20 actores e músicos encabezado por Luis Tosar.

Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 | 128 | 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 | Seguintes


AGADIC Marca gráfica da Xunta de Galicia

Accesibilidade | Aviso legal