AGADIC

Centro Dramático Galego


Novas

OFRECERÁ CATRO FUNCIÓNS EN COMPOSTELA, DO MÉRCORES 21 AO SÁBADO 24, ÁS 22.00 H.

Diego Anido estrea na Sala Nasa a peza 'Cascuda', en coprodución co CDG

Documento anexo[19/05/2008] A Sala Nasa de Santiago acolle esta semana -do mércores 21 ao sábado 24 de maio, ás 22.00 horas- a estrea de Cascuda, unha peza de creación de personaxes e atmósferas baseada na difusa fronteira que separa a tolemia da cordura, a cargo de Diego Anido en coprodución co Centro Dramático Galego. O creador galego asume tamén a dirección e a interpretación desta montaxe, na que conxuga as linguaxes de teatro de texto, clown e danza contemporánea.
O CDG INICIARÁ A CONTINUACIÓN A XIRA DO ESPECTÁCULO DIRIXIDO POR DANI SALGADO A PARTIR DO PROXECTO DE ESCRITA CONXUNTA A CARGO DE JACOBO PAZ, VANESA SOTELO E RUBÉN RUIBAL

'Estigma' despídese de Compostela con tres últimas funcións no Salón Teatro

[15/05/2008] O espectáculo do Centro Dramático Galego (CDG) Estigma despídese esta fin de semana do Salón Teatro de Santiago con tres últimas funcións que terán lugar o venres 16 e o sábado 17, ás 20.30 horas, e o domingo 18, ás 18.00. A continuación, o CDG iniciará a xira galega desta produción dirixida por Dani Salgado a partir do proxecto de dramaturxia residente DramA3, iniciado no verán de 2007 como exercicio de escritura a tres bandas a cargo dos autores Jacobo Paz, Vanesa Sotelo e Rubén Ruibal, último Premio Nacional de Literatura Dramática.
UN TOTAL DE 15 ALUMNOS PARTICIPAN NESTA ACTIVIDADE DURANTE TODA A SEMANA

Un obradoiro a cargo de Patrick Lerch pecha o curso do CDG 'Pistas para unha dramaturxia da actualidade II'

[05/05/2008] O Centro de Creación Dramática Contemporánea do Centro Dramático Galego (CDG) acolle esta semana a cuarta e última parte do curso de escrita teatral Pistas para unha dramaturxia da actualidade II , impartido polo dramaturgo francés Patrick Lerch e baixo a dirección e coordinación de Cándido Pazó. Un total de 15 alumnos participan nesta actividade, que se desenvolverá na biblioteca do Salón Teatro até o venres día 9 de 17.00 a 20.00 h.


DESPÍDESE A TEMPORADA DE PRODUCIÓN CON ESTA PEZA ESCRITA POR JACOBO PAZ, VANESA SOTELO E RUBÉN RUIBAL

O CDG estrea 'Estigma', obra de suspense resultado do proxecto literario DramA3 que dirixe Dani Salgado

Documento anexo[30/04/2008] O Salón Teatro de Santiago acolle este venres día 2 de maio, ás 21:00 horas, a estrea de Estigma, espectáculo resultado do proxecto de dramaturxia residente no Centro Dramático Galego (CDG) DramA3, iniciado no verán de 2007 como exercicio de escritura a tres bandas a cargo dos autores Jacobo Paz, Vanesa Sotelo e Rubén Ruibal, último Premio Nacional de Literatura Dramática. A montaxe permanecerá en Compostela até o 18 de maio para continuar despois cunha xira por 9 localidades galegas: Tui, Narón, O Barco, Vigo, Ribadeo, Ferrol, Vilagarcía, A Coruña e Ribadavia.
A COMPAÑÍA INSTITUCIONAL GALEGA PRESÉNTASE POR PRIMEIRA VEZ NESTE ESPAZO ESPECIALIZADO EN PROGRAMACIÓN ESCÉNICA INFANTIL E XUVENIL

O CDG leva "Valdemuller" ao Teatro Escalante de Valencia

[25/04/2008] O Centro Dramático Galego (CDG) leva a súa produción Valdemuller ao Teatro Escalante de Valencia, espazo escénico especializado en programación infantil e xuvenil, que ofrecerá durante catro días un total de sete funcións do espectáculo. A compañía institucional galega visita por primeira vez este escenario, referencia no seu xénero para todo o Estado, cunha representación o domingo 27 ás 18.00 horas para público familiar e 3 pases dobres o luns 28, martes 29 e mércores 30 ás 10.00 e ás 11.30 horas, dirixidos a escolares.

Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 | 147 | 148 149 150 151 152 153 154 155 156 157 158 159 160 161 162 163 164 165 166 167 168 | Seguintes


AGADIC Marca gráfica da Xunta de Galicia

Accesibilidade | Aviso legal