AGADIC

Centro Dramático Galego


Novas

DIRECTOR, EQUIPO ARTÍSTICO E ELENCO VÓLVENSE REUNIR PARA DAR VIDA A ESTE TEXTO ORIXINAL SOBRE A VIOLENCIA DE XÉNERO GALARDOADO CO PREMIO MARÍA CASARES

Abrapalabra reestrea no Salón Teatro "A piragua", escrita e dirixida por Cándido Pazó para o CDG en 2007

Documento anexo[23/06/2009] O Salón Teatro acolle esta semana (xoves 25 ás 21.00 horas, venres 26 e sábado 27 ás 20.30 h e domingo 28 ás 18.00 h) a reestrea de A piragua, obra escrita e dirixida por Cándido Pazó como resultado da súa experiencia como primeiro dramaturgo residente do Centro Dramático Galego (CDG) na temporada 2006-2007 e producida agora pola nova compañía Abrapalabra. A iniciativa privada asume deste xeito a explotación dun proxecto inicial da compañía pública mediante unha fórmula de colaboración pola que se cede parte do material escenográfico para a súa reutilización e co obxectivo de contribuír á máxima rendabilidade social dos espectáculos.
A NOVA PROPOSTA DA COMPAÑÍA COMPOSTELÁ EXHÍBESE NO SALÓN TEATRO DE SANTIAGO A PARTIR DE MAÑÁ XOVES E ATÉ O DOMINGO 21, TRALA SÚA EXITOSA ESTREA NO FITEI DO PORTO

Nut Teatro e o CDG presentan en "Wake Up" unha tecnoloxía electrónica pioneira na escena galega

Documento anexo[17/06/2009] O Salón Teatro de Santiago acolle a partir de mañá xoves a presentación en Galicia da montaxe Wake Up, realizada pola compañía Nut Teatro en coprodución co Centro Dramático Galego (CDG), da que ofrecerá un total de catro funcións até o domingo día 21: de xoves a sábado, ás 20.30 horas e o domingo, ás 18.00 h. A nova proposta da compañía compostelá, que incorpora unha tecnoloxía electrónica pioneira na escena galega, chega precedida do gran éxito de público obtido na súa estrea absoluta no Teatro Carlos Alberto (TeCA) do Porto dentro do programa do Festival Internacional de Teatro de Expressão Ibérica (FITEI).
ESCRITA POR MANUEL LOURENZO E DIRIXIDA POR QUICO CADAVAL, ESTA COMEDIA ONÍRICA AMBIENTADA NA MARIÑA LUGUESA FALA DE ESPECULACIÓN URBANÍSTICA, AMOR, DESAMOR E SEXO

O espectáculo do CDG "As dunas" finaliza a súa xira cunha función no Teatro Jofre de Ferrol

Documento anexo[11/06/2009] O Teatro Jofre de Ferrol acolle este sábado día 13 ás 20.30 horas a derradeira función da xira do espectáculo do Centro Dramático Galego As dunas, resultante da obra escrita ad hoc por Manuel Lourenzo con dirección escénica de Quico Cadaval. Con esta representación, realizada en colaboración co Concello de Ferrol, remata un período de exhibición de máis de tres meses no que As dunas se escenificou en 32 ocasións sobre 11 escenarios; e conclúe tamén o plan de produción propia do CDG para a actual temporada escénica 2008-2009.
O SALÓN TEATRO ACOLLE O SÁBADO 13, ÁS 21.00 H, A PRIMEIRA FUNCIÓN DESTE ESPECTÁCULO, QUE CONTINUARÁ EN CARTEL O DOMINGO 14 ÁS 18.00 H

A Compañía Quique Peón debuta en Santiago coa peza "Ovay", en coprodución co Centro Coreográfico Galego.

Documento anexo[10/06/2009] A Quique Peón Cía. e o Centro Coreográfico Galego (CCG) estrean o sábado 13 ás 21.00 h no Salón Teatro de Santiago a peza de danza Ovay, un espectáculo realizado en réxime de coprodución que supón o debut diante do público deste novo colectivo artístico liderado polo investigador, coreógrafo e bailarín coruñés. A montaxe é a segunda (despois de Concerto Desconcerto coa compañía Entremáns) das incluídas polo CCG no seu programa de coproducións, a través do que se apoian proxectos de danza de iniciativas profesionais independentes e de empresas de titularidade privada.
A NOVA PROPOSTA DA COMPAÑÍA COMPOSTELÁ FOI RECIBIDA CON GRAN EXPECTACIÓN POLO PÚBLICO DO FESTIVAL INTERNACIONAL DE TEATRO DE EXPRESSÃO IBÉRICA (FITEI)

O Teatro Carlos Alberto do Porto encheuse para a estrea absoluta de "Wake Up", espectáculo de Nut Teatro coproducido co Centro Dramático Galego

Documento anexo[07/06/2009] O Teatro Carlos Alberto (TeCA) do Porto encheuse na noite de onte para acoller a estrea absoluta de Wake Up, espectáculo de Nut Teatro en coprodución co Centro Dramático Galego, como parte destacada do cartel do Festival Internacional de Teatro de Expressão Ibérica (FITEI). Tralo éxito obtido pola compañía compostelá o ano pasado no seu debut neste encontro, considerado como unha das citas máis relevantes da temporada escénica peninsular, a súa nova proposta foi recibida con gran expectación por parte do público, de xeito que o aforo do teatro completarase de novo na función que terá lugar na tarde de hoxe.

Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 | 150 | 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 | Seguintes


AGADIC Marca gráfica da Xunta de Galicia

Accesibilidade | Aviso legal