AGADIC

Centro Dramático Galego


Novas

A OBRA, QUE SE PRESENTA COMO "UNHA COMEDIA AMERICANA SOBRE A ANSIEDADE" PODERÁ VERSE EN SANTIAGO DURANTE DÚAS SEMANAS CONSECUTIVAS DE XOVES A DOMINGO

Teatro do Morcego conmemora no Salón Teatro os seus 20 anos de traxectoria con oito funcións de "Kvetch"

[22/04/2009] Teatro de Morcego conmemora no Salón Teatro de Santiago os seus 20 anos de traxectoria artística ofrecendo oito representacións de Kvetch: O Rosmón, o último espectáculo da compañía que tutela Celso Parada, no que se aborda un texto de Steven Berkoff baixo a dirección escénica de Álvaro Lavín e en coprodución con Seiva-Trupe de Porto. As representacións terán lugar os días 23, 24, 25, 26 e 30 de abril e 1, 2 e 3 de maio (xoves, venres e sábados ás 20.30 h e os domingos, ás 18.00 h) como parte da programación de primavera do escenario compostelán que xestiona o CDG.
HABERÁ UNHA ACCIÓN PROMOCIONAL DE RÚA A CARGO DA COMPAÑÍA DE NOVO CIRCO PISTACATRO O DÍA 24 ÁS 12.00 HORAS NA PRAZA DE LUGO

O CDG leva dúas funcións do espectáculo "As dunas" ao Teatro Rosalía Castro da Coruña

Documento anexo[21/04/2009] O Centro Dramático Galego (CDG) presenta este venres día 24 e o sábado 25 ás 20.30 horas no Teatro Rosalía Castro da Coruña As dunas, espectáculo resultante da obra escrita ad hoc por Manuel Lourenzo con dirección escénica de Quico Cadaval. Autor e director suman os seus talentos creativos na última produción da compañía pública á que ambos se refiren como "un cabaré sobre o paraíso perdido". Trátase dunha comedia cun destacado compoñente onírico que fala sobre especulación urbanística, ecoloxía, corrupción, amor, desamor e sexo.
O CENTRO COREOGRÁFICO E O CENTRO DRAMÁTICO COLABORAN NA REDE DE DANZA DÉPARTS E NO PROXECTO XÓVENES TALENTOS DO CIRCO EUROPEO CON OUTRAS 15 ENTIDADES DE 10 PAÍSES

A AGADIC participa en dous programas de danza e circo financiados con 2.625.043 pola Comisión Europea

[16/04/2009] A Axencia Galega das Industrias Culturais foi seleccionada para participar en dous proxectos internacionais de promoción da danza e do circo -a rede de danza DÉPARTS e a iniciativa Xóvenes Talentos do Circo Europeo- financiados cun total de 2.625.043 euros a través do Programa Cultura 2007-2013 da Comisión Europea. O Centro Coreográfico Galego (CCG) e o Centro Dramático Galego (CDG) son, respectivamente, as unidades encargadas de xestionar a colaboración da nosa Comunidade en ambas iniciativas transfronteirizas.
O SALÓN TEATRO OFRECERÁ TRES FUNCIÓNS (17, 18 E 19 DE ABRIL) DESTA MONTAXE, ÁS QUE SEGUERÁ UNHA AMPLA PROGRAMACIÓN CON MÁIS DUNHA TRINTENA DE REPRESENTACIÓNS ATÉ XUÑO

Iván Marcos e o CDG coproducen teatro contemporáneo coa estrea de "Eco" este venres en Santiago

Documento anexo[15/04/2009] O Salón Teatro acolle esta fin de semana (venres 17 ás 21.00h, sábado 18 ás 20.30h e domingo 19 ás 18.00h) a estrea de Eco, un espectáculo de teatro contemporáneo a cargo de Iván Marcos en coprodución co Centro Dramático Galego (CDG). Con esta proposta, a compañía pública continúa co seu plan de coproducións para 2009, no que tamén se insiren os espectáculos Rúa aire de O Retrete de Dorian Gray; Delimvois, do grupo portugués Teatro Oficina a partir dun texto do Premio Nacional de Literatura Dramática Rubén Ruibal, e Wake Up de Nut Teatro.
PISTACATRO DESENVOLVERÁ UN PASARRÚAS PROMOCIONAL SOBRE O ESPECTÁCULO QUE DIRIXE QUICO CADAVAL A PARTIR DO TEXTO DE MANUEL LOURENZO

"As dunas" represéntase o 17 de abril no Teatro Lauro Olmo do Barco de Valdeorras

Documento anexo[14/04/2009] O Centro Dramático Galego (CDG) presenta este venres día 17 ás 21.00 horas no Teatro Lauro Olmo do Barco As dunas, espectáculo resultante da obra escrita ad hoc por Manuel Lourenzo con dirección escénica de Quico Cadaval. Autor e director suman os seus talentos creativos nesta nova produción da compañía pública á que ambos se refiren como "un cabaré sobre o paraíso perdido". Trátase dunha comedia cun destacado compoñente onírico que fala sobre especulación urbanística, corrupción, amor, desamor e sexo.

Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 | 154 | 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 | Seguintes


AGADIC Marca gráfica da Xunta de Galicia

Accesibilidade | Aviso legal