AGADIC

Centro Dramático Galego


Novas

A MONTAXE ENGARZA TEXTOS DE ANXOS SUMAI, CÁNDIDO PAZÓ, SONIA TORRE, SUSO DE TORO E XOSÉ M. PAZOS

Teatro de Ningures estrea no Salón Teatro "Emigrados" baixo a dirección de Etelvino Vázquez

[22/02/2007] O Salón Teatro de Santiago de Compostela acolle os días 23 e 24 de febreiro a estrea de Emigrados, a última produción de Teatro de Ningures, na que a compañía de Cangas de Morrazo aborda desde distintas ópticas o fenómeno da emigración. Con dirección de escena e dramaturxia de Etelvino Vázquez, 7 actores e actrices compoñen o elenco encargado de dar vida a cinco textos de escritores galegos actuais.
O CONCERTO DE ENSAMBLE INSTRUMENTAL É UN REPASO A CINCO OBRAS DA TRAXECTORIA DO COMPOSITOR

Manuel Rodeiro escolle o Salón Teatro para a estrea de "Fende-lo son"

[17/02/2007] O compositor galego Manuel Rodeiro estrea no Salón Teatro de Santiago de Compostela o seu último espectáculo de música contemporánea, Fende-lo Son, un concerto que repasa a través de cinco obras a súa traxectoria profesional. Acompañado polo Ensamble instrumental que forman Felipe González Agell (clarinete), Berta Fresco (piano) e Carme Garrigó (percusión), o evento terá lugar este domingo 18 ás 20.00 horas.
A MÍTICA COMPAÑÍA ANDALUZA OFRECE DÚAS FUNCIÓNS NO SALÓN TEATRO

La Zaranda trae a Santiago o seu teatro expresionista con "Los que ríen los últimos"

[15/02/2007] O grupo La Zaranda presenta no Salón Teatro de Santiago mañá venres 16 e o sábado 17, ás 20.30 horas, a súa última proposta escenográfica Los que ríen los últimos, dirixida por Paco de La Zaranda a partir do texto de Eusebio Calonge, a última proposta escénica desta mítica compañía andaluza. Neste espectáculo volven a estar presentes as constantes estilísticas que caracterizan os traballos de La Zaranda, como son o compromiso existencial e a fidelidade a súas raíces tradicionais como recursos dramáticos, o uso simbólico dos obxectos, o expresionismo visual, a depuración de textos e a creación de personaxes e situacións límites.
O RECITAL "FRAGMENTOS" COMBINA VIDEOPROXECCIÓNS E IMPROVISACIÓNS EN SOPORTE VISUAL

O dúo de saxo e electrónica Pedro Rebelo&Pablo Coello abren o programa de música actual do Salón Teatro

[13/02/2007] A música actual entra no programa trimestral do Salón Teatro de Santiago de Compostela da man do dúo que integran o saxofonista galego Pablo Coello e o portugués Pedro Rebelo á electrónica. Ambos ofrecerán un concerto mañá mércores 14 de febreiro ás 20:30 horas, no que baixo o título de Fragmentos, a música combinarase con material audiovisual como videoproxeccións e as improvisacións con soporte visual.
"LAST CHANCE" ESTÁ INTERPRETADA POLA CANTANTE DOLO BELTRÁN E OS ACTORES PAUL BERRONDO E ANDRÉS HERRERA

O Salón Teatro estrea esta fin de semana a versión en castelán dunha coprodución do Lliure

[09/02/2007] O Salón Teatro de Santiago de Compostela, espazo de exhibición escénica que xestiona o Centro Dramático Galego (CDG), acolle esta fin de semana (sábado 10 ás 20:30 h e domingo 11 ás 18:00 h.) a estrea en castelán da obra Last chance (Última oportunidade), unha coprodución do Teatre Lliure co Centre d’Arts Escèniques de Reus–CAER. Trátase dunha nova proposta da dramaturga e directora Carol López que conta con Dolo Beltrán, cantante do grupo Pastora, Paul Berrondo e Andrés Herrera no elenco.

Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 | 160 | 161 162 163 164 165 166 | Seguintes


AGADIC Marca gráfica da Xunta de Galicia

Accesibilidade | Aviso legal