AGADIC

Centro Dramático Galego


Novas

MARTA PAZOS DIRIXIRÁ AS DÚAS PEZAS QUE COMPOÑEN O ESPECTÁCULO

Un total de 50 actores e actrices participarán nas probas para o elenco de 'Martes de Carnaval'

[10/02/2017] O Centro Dramático Galego (CDG) desenvolverá a próxima semana, do 13 ao 16 de febreiro, as probas de interpretación para seleccionar o elenco da súa próxima produción, ‘Martes de Carnaval’, de Ramón María del Valle-Inclán. Un total de 50 actores e actrices concorrerá a estas audicións, nas que se decidirán os 10 profesionais (4 protagonistas e 6 principais) que encarnarán os 37 personaxes das dúas pezas do espectáculo: ‘As galas do defunto’ e ‘A filla do capitán’.
AS FUNCIÓNS PARA PÚBLICO XERAL SERÁN VENRES, SÁBADO E DOMINGO

O Salón Teatro estrea 'Desconexión' a cargo de Xurxo Cortázar e con dirección de Santiago Cortegoso

Documento anexo[07/02/2017] A compañía do creador e intérprete Xurxo Cortázar ocupa esta semana o Salón Teatro de Santiago de Compostela, onde estreará o espectáculo ‘Desconexión’ o venres día 10 ás 20.30 h e levará a cabo dúas funcións máis o sábado 11 (tamén ás 20.30 h) e o domingo 12 (ás 18.00 h). Serán as primeiras representacións para público xeral desta montaxe, que conta con dramaturxia e dirección de Santiago Cortegoso, como remate ao traballo técnico-artístico que está a desenvolver dentro do programa de residencias do Centro Dramático Galego (CDG).
TRÁTASE DUNHA COEDICIÓN ENTRE EDICIÓNS POSITIVAS E A AGADIC

A publicación de 'Tartufo' con Edicións Positivas abre a colección do CDG 'O papel do teatro'

Documento anexo[26/01/2017] A versión ao galego do ‘Tartufo’ de Molière é o primeiro número da nova colección de libros ‘O papel do teatro’, promovida polo Centro Dramático Galego (CDG) e realizada en réxime de coedición entre Edicións Positivas e a Axencia Galega das Industrias Culturais (Agadic).
DO XOVES 26 AO DOMINGO 29

Pablo Fidalgo e o CDG afondan na figura do poeta luso Daniel Faria na peza que ofrece o Salón Teatro

Documento anexo[25/01/2017] ‘Daniel Faria’ é o título do segundo espectáculo do programa de coproducións do Centro Dramático Galego 2016-2017 que, da man do creador vigués establecido en Portugal Pablo Fidalgo, lle achega ao público a figura deste autor e monxe luso, considerado un dos mellores poetas do século XX do seu país. A peza, estreada en Lisboa a semana pasada, chega agora a Santiago para ofrecer catro funcións no Salón Teatro desde mañá e ata o sábado, ás 20.30 h, e o domingo, ás 18.00 h.
O PÚBLICO PODERÁ VER O ESPECTÁCULO ESTA FIN DE SEMANA

O CDG reactiva o programa de residencias no Salón Teatro co proxecto 'Política de terra queimada'

Documento anexo[16/01/2017] O espectáculo ‘Política de terra queimada’ ocupará durante toda esta semana o escenario do Salón Teatro de Santiago de Compostela, onde desenvolverá cinco xornadas de residencia que culminarán con dúas representacións diante do público o sábado e mais o domingo. Este proxecto escénico da compañía galega Santa Nómina en coprodución coa Escola Superior de Arte Dramática (ESAD) de Galicia abre o plan de residencias de 2017 do Centro Dramático Galego (CDG), ao que se sumarán este ano outros tres títulos: ‘Desconexión’, ‘Tropical’ e ‘Elisa e Marcela’.


Anteriores | 1 2 3 4 5 6 7 8 9 10 11 12 13 14 15 16 17 | 18 | 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 | Seguintes


AGADIC Marca gráfica da Xunta de Galicia

Accesibilidade | Aviso legal