AGADIC

Centro Dramático Galego


Novas

NESTA EDICIÓN O CENTRO SOCIOCULTURAL DE SANTA MARTA SÚMASE AO SALÓN TEATRO E AO TEATRO PRINCIPAL COMO ESCENARIO

O festival de teatro afeccionado Agustín Magán arranca o venres en Santiago co apoio da Xunta

[14/09/2021] O secretario xeral de Cultura, Anxo M. Lorenzo, participou hoxe na rolda de prensa de presentación da nova edición do Festival Agustín Magán que arranca o venres en Santiago. No seu vixésimo aniversario diversificará os espazos das representacións e organizarase unha mención homenaxe con motivo do centenario de Agustín Magán.
A PEZA FOI A GAÑADORA DO II CERTAME MANUEL MARÍA DE PRODUCIÓNS TEATRAIS

O Centro Dramático Galego, Incendiaria e A Quinta do Cuadrante estrean en Ourense 'A lúa vai encuberta'

[08/09/2021] A lúa vai encuberta, coprodución do Centro Dramático Galego (CDG) coa Casa Museo Manuel María e interpretada polas compañías Incendiaria e A Quinta do Cuadrante, estréase este venres no Teatro Principal de Ourense, segundo se anunciou hoxe na rolda de prensa de presentación do espectáculo, na que participou o director da compañía da Xunta, Fran Núñez.
CON ESTA PEZA, APOSTA POR UN ESPECTÁCULO NO QUE A DRAMATURXIA XORDE DO MOVEMENTO E DO XESTO

O Salón Teatro de Santiago estrea a nova produción do Centro Dramático Galego 'Serva me, servabo te'

[08/09/2021] O Salón Teatro de Santiago de Compostela acolle este venres 10 de setembro a estrea da nova produción propia do Centro Dramático Galego (CDG), 'Serva me, servabo te', onde permanecerá ata o 26 deste mes. A compañía da Xunta de Galicia ofrecerá un total de once funcións, de xoves a domingo, que, como vén sendo habitual, incluirán sesións descontraídas e encontros co público todas as semanas, así como unha representación final inclusiva.
ESTA PEZA DA UNIDADE TEATRAL DA XUNTA REPRESENTARASE NO AUDITORIO MUNICIPAL MANUEL MARÍA ÁS 22,00 HORAS

A nova produción do Centro Dramático Galego 'Serva me, servabo te' estréase o domingo como espectáculo inaugural no Festival de Teatro Galego do Carballiño

[31/08/2021] O Centro Dramático Galego (CDG), unidade teatral da Xunta de Galicia, estreará a obra 'Serva me, servabo te' (axúdame e axudareiche, en latín) este domingo 5 como espectáculo inaugural do Festival de Teatro Galego Celso Parada, no Carballiño. A creación de Belén Bouzas, Diego M. Buceta e Fran Martínez representarase ás 22,00 horas no Auditorio Municipal Manuel María, segundo se anunciou hoxe na rolda de prensa de presentación do evento, na que participaron o director do CDG, Fran Núñez, e a directora e actriz Belén Bouzas.
CON ESTE ESPECTÁCULO O CENTRO DRAMÁTICO GALEGO E A COMPANHIA DE TEATRO DE BRAGA LEVAN Á ESCENA EN COPRODUCIÓN A CONSIDERADA PRIMEIRA DRAMATURXIA ESCRITA EN GALEGO CO GALLO DO SEU 350º ANIVERSARIO

A Xunta leva o venres 'A contenda dos labradores de Caldelas' á parroquia de Tui que lle dá nome á peza teatral escrita en 1671

[23/08/2021] A coprodución do Centro Dramático Galego (CDG), unidade de produción teatral da Xunta, e da Companhia de Teatro de Braga (CTB) 'A contenda dos labradores de Caldelas ou Entremés famoso sobre a pesca do río Miño' chega este venres 27 ao lugar que lle dá nome, a parroquia tudense de Caldelas. O lugar da Ribeira acollerá ás 22,00 h. esta representación histórica da considerada primeira obra teatral escrita en galego, asinada por Gabriel Feixóo de Araúxo e datada en 1671. Así se anunciou hoxe nunha rolda de prensa na que participou o director do CDG, Fran Núñez, xunto ao seu homólogo na CTB, Rui Madeira, a concelleira de Cultura de Tui, Sonsoles Vicente, e o presidente da Fundación Lois Peña Novo, Xosé González Martínez

Anteriores | 1 2 3 4 5 6 7 8 9 10 11 12 13 14 15 16 17 18 19 | 20 | 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 | Seguintes


AGADIC Marca gráfica da Xunta de Galicia

Accesibilidade | Aviso legal