Axencia Galega das Industrias Culturais

Xunta de GaliciaAxencia Galega das Industrias Culturais

Noticias

O MONÓLOGO ESCÉNICO-NARRATIVO QUE OFRECE EMOCIÓN E DIVERSIÓN CONMEMORA O 50 ANIVERSARIO DA PRIMEIRA PUBLICACIÓN DA OBRA EN BOS AIRES

Cándido Pazó presenta no Salón Teatro "Memoria das memorias dun neno labrego" sobre o emblemático libro de Neira Vilas Documento anexo

[25/01/2011] O Salón Teatro de Santiago acolle do 28 de xaneiro ao 1 de febreiro o espectáculo producido por Abrapalabra Creacións Escénicas Memoria das memorias dun neno labrego, un monólogo escénico-narrativo co que Cándido Pazó rende homenaxe ao libro de Xosé Neira Vilas no 50 aniversario da súa primeira publicación. O escenario do Centro Dramático Galego desenvolverá un total de seis funcións da primeira versión escénica en Galicia desta obra emblemática da narrativa galega: tres para o público xeral, que terán lugar o venres 28 e o sábado 29 ás 20.30 horas e o domingo 30 ás 18.00 horas; e outras tres para estudantes de bacharelato, concretamente dous pases matinais o luns 31 e un terceiro o martes 1 de febreiro.

CATEDRÁTICA EMÉRITA DA RESAD DE MADRID, É PIONEIRA NA ENSINANZA E INVESTIGACIÓN DA CREATIVIDADE CORPORAL E DO TEATRO XESTUAL EN ESPAÑA

Marta Schinca imparte un obradoiro de movemento e expresión no Centro Coreográfico Galego Documento anexo

[21/01/2011] A profesora Marta Schinca, pioneira da ensinanza e investigación da expresión corporal a nivel estatal, desprazarase a vindeira semana á Coruña para impartir o Taller de Movemento e Expresión que o Centro Coreográfico Galego organizará do 24 ao 27 de xaneiro na súa sede do Complexo Deportivo de Elviña. Un total de 15 alumnos teñen xa formalizada a súa inscrición neste obradoiro, centrado na capacidade comunicativa do movemento corporal.

A MONTAXE DA OBRA DE OSCAR WILDE DIRIXIDA POR CARLOS SANTIAGO EXHIBIRASE NO CENTRO CULTURAL VILA FLOR DE GIMARÃES, NO TEATRO ACERT DE TONDELA E NO THEATRO-CIRCO DE BRAGA

O Centro Dramático Galego leva o espectáculo "Salomé" a tres escenarios portugueses en réxime de intercambio Documento anexo

[20/01/2011] O Centro Dramático Galego inicia esta fin de semana o ciclo de distribución en Portugal do seu espectáculo Salomé como froito dun acordo de intercambio entre a compañía pública galega e tres emblemáticas agrupacións do país veciño. Así, a montaxe dirixida por Carlos Santiago a partir da obra de Oscar Wilde exhibirase este mes de xaneiro no Centro Cultural Vila Flor de Gimarães (sábado 22 ás 22.00 horas), no Teatro Acert de Tondela (mércores 26 ás 21.45 horas) e no Theatro-Circo de Braga (venres 28 e sábado 29 ás 21.30 horas).

TEATRO DO ATLÁNTICO CELEBRA O SEU 25 ANIVERSARIO COA MONTAXE DESTE TEXTO DE ROBERTO SALGUEIRO BAIXO A DIRECCIÓN DE XÚLIO LAGO

María Barcala e Lucía Regueiro representan no Salón Teatro catro funcións de "Memoria de Helena e María" Documento anexo

[18/01/2011] O Salón Teatro de Santiago acolle esta semana o último espectáculo de Teatro do Atlántico, Memoria de Helena e María, realizado a partir do texto de Roberto Salgueiro galardoado co Premio Abrente de Teatro 2006 e co que a compañía galega celebra os seus 25 anos de traxectoria artística. Con dramaturxia e dirección escénica de Xúlio Lago, Lucía Regueiro e María Barcala protagonizan esta tráxica historia de dúas mulleres marcadas polo horror da Guerra Civil española, que poderá verse o xoves 20, o venres 21 e o sábado 22 ás 20.30 h, así como o domingo 23 ás 18.00 h.

RECIBÍRONSE MÁIS DUN CENTENAR DE SOLICITUDES PROCEDENTES DE 10 PAÍSES

Un total de 65 bailaríns participan nas audicións para a próxima produción do Centro Coreográfico Galego Documento anexo

[15/01/2011] O Centro Coreográfico Galego (CCG) convocou un total de 65 bailaríns e bailarinas para participar nas audicións que celebrará na Coruña o luns 17 e o martes 18 de xaneiro co obxectivo de seleccionar o elenco da súa próxima produción, un espectáculo que integrará tres creacións coreográficas a cargo doutros tantos directores artísticos. As probas celebraranse o luns 17 e o martes 18 na sede que a unidade de danza da Agadic (Axencia Galega das Industrias Culturais) ten no Complexo Deportivo de Elviña, na Coruña.

Anteriores  1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150  151  152  153  154  155  156  157  158  159  160  161  162  163  164  165  166  167  168  169  170  171  172  173  174  175  176  177  178  179  180  181  182  183  184  185  186  187  188  189  190  191  192  193  194  195  196  197  198  199  200  201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  226  227  228  229  230  231  232  233  234  235  236  237  238  239  240  241  242  243  244  245  246  247  248  249  250  251  252  253  254  255  256  257  258  259  260  261  262  263  264  265  266  267  268  269  270  271  272  273  274  275  276  277  278  279  280  281  282  283  284  285  286  287  288  289  290  291  292  293  294  295  296  297  298  299 Ver novas anteriores

Escolle o apartado que máis che interesa clicando nas celas: