Centro Dramático Galego
[19/12/2016] ‘Gran teatro para os máis pequenos’ é o título do ciclo co que o Centro Dramático Galego celebrará o Nadal xunto ao público infantil na súa sede do Salón Teatro de Santiago. Pensando nos espectadores máis novos, a compañía pública deseñou un programa que combina tres espectáculos das compañías Berrobambán, Pérez & Fernández e Elefante Elegante xunto a outros tantos talleres que buscan achegarlles aos nenos e nenas diferentes aspectos do oficio teatral baixo o lema ‘Saca o artista que levas dentro’. [17/12/2016] O Centro Dramático Galego (CDG) volve abrirlle as portas da súa sede no Salón Teatro de Santiago á Aula de Teatro da Universidade de Santiago de Compostela (USC), que estreará neste escenario a súa primeira montaxe do curso 2016-2017. ‘Cousas que trouxo a chuvia’ é o título deste espectáculo, escrito e dirixido por Roberto Salgueiro, que se representará o luns 19 e o martes 20, ás 21.00 horas. [16/12/2016] O Centro Dramático Galego enfronta a recta final da xira do espectáculo ‘Tartufo’, co que chegará mañá a Cangas para ofrecer a súa penúltima función. A representación está programada ás 21.00 horas no Auditorio Municipal. [15/12/2016] A compañía lucense de teatro Nasdrovia chega esta semana ao Salón Teatro de Santiago para poñer en escena ‘Illa/Ollo’, adaptación da obra ‘Illa’ de Manuel Lourenzo baixo a dirección de Roi Vidal. Gustavo Fouce e Simón Piñón dan vida sobre as táboas a Ulises e Sileno nunha revisión contemporánea desta historia clásica, que poderá verse na sede do Centro Dramático Galego (CDG) mañá venres e o sábado, ás 20.30 horas. [13/12/2016] O conselleiro de Cultura, Educación e Ordenación Universitaria, Román Rodríguez, presentou hoxe os principais proxectos da temporada 2016-2017 do Centro Dramático Galego (CDG), entre os que destacou a estrea o próximo 31 de marzo da obra de Ramón María del Valle-Inclán co espectáculo ‘Martes de Carnaval’, integrado polas pezas ‘As galas do defunto’ e ‘A filla do capitán’.Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 | 56 | 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 | Seguintes
