CDG: Novas

Novas

SERÁN CINCO DO TOTAL DAS 20 REPRESENTACIÓNS QUE SE OFRECERÁN ATA O 16 DE OUTUBRO

Máis de 900 estudantes de toda Galicia asistirán no Salón Teatro ás funcións matinais de 'Tartufo'

[26/09/2016] Máis de 900 estudantes de 16 centros educativos de toda Galicia visitarán o Salón Teatro de Santiago para as representacións matinais do espectáculo ‘Tartufo’, a nova produción propia do Centro Dramático Galego (CDG) dirixida por Carles Alfaro. Serán un total de cinco as funcións incluídas nesta campaña escolar, que arranca esta semana coa asistencia mañá de varios grupos procedentes do FPI San Vicente da Baña e do IES Sar de Compostela e o mércores, do colexio San Pelayo-Emma, do IES Antón Fraguas e do CPR O Raio Verde, os tres de Santiago.

REPRESENTARASE NO SALÓN TEATRO DE SANTIAGO ATA O 16 DE OUTUBRO

O CDG abre nova temporada este venres coa estrea do 'Tartufo' de Molière dirixido por Carles Alfaro

[21/09/2016] ‘Tartufo’ abre este venres 23, ás 21.00 horas, no Salón Teatro de Santiago a temporada 2016-2017 do Centro Dramático Galego (CDG), que elixiu esta coñecida obra de Molière sobre os perigos da impostura e do artificio como primeira produción propia da nova etapa da compañía pública con Fefa Noia á fronte. Carles Alfaro dirixe a posta en escena desta versión, que poderá verse en Compostela ata o 16 de outubro para iniciar a continuación unha xira por outros nove escenarios galegos.

O GUITARRISTA SAMUEL DIZ PRESENTARÁ EN DIRECTO O 27 DE OUTUBRO O SEU DISCO 'IMPRESIONES Y PAISAJES, COMO EL PRIMER LIBRO DE LORCA'

Galicia conmemora o centenario da viaxe de Lorca a esta terra cun concerto especial no Salón Teatro

[14/09/2016] Coincidindo co centenario da primeira viaxe de Federico García Lorca a Galicia, Santiago de Compostela acollerá, o próximo 27 de outubro, un espectáculo singular para afondar na figura do escritor e na súa vinculación con esta terra, que terá lugar ás 20:30 horas no Salón Teatro.

ESTRÉASE O 23 DE SETEMBRO NO SALÓN TEARO DE SANTIAGO

O equipo de 'Tartufo' inicia os ensaios baixo a dirección de Carles Alfaro

[02/08/2016] O equipo artístico e técnico do espectáculo ‘Tartufo’, a produción propia coa que o Centro Dramático Galego (CDG) abrirá a súa temporada 2016-17, acaba de iniciar os ensaios cara á estrea que terá lugar o 23 de setembro no Salón Teatro de Santiago de Compostela.

MAÑÁ E O MÉRCORES, ÁS 21.00 HORAS

O Salón Teatro pecha a temporada 2015-2016 con 'Cabatet Salomé' e 'Cinzas' tras 126 días de actividade pública

[20/06/2016] O Salón Teatro pecha esta semana o seu programa de exhibición 2015-2016 despois de ter ofrecido un total de 126 días de actividade pública. Dúas compañías da Universidade de Santiago de Compostela serán as encargadas de rematar a temporada no escenario compostelán do Centro Dramático Galego (CDG): GN Teatro, que representará mañá o espectáculo ‘Cabaret Salomé’, e a Aula de Teatro da USC, que regresará o mércores 22 á sede do Centro Dramático Galego con ‘Cinzas’ (na imaxe).

Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 | 59 | 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 | Seguintes

Accesibilidade | Aviso legal