CDG: Novas

Novas

'CINZAS' REPRESÉNTASE MAÑÁ E O MÉRCORES, ÁS 21.00 HORAS

A estrea do novo espectáculo da Aula de Teatro da USC abre a carteleira de decembro no Salón Teatro

[30/11/2015] O Salón Teatro de Santiago encara a recta final de 2015 cunha carteleira que inclúe 17 funcións de teatro, novo circo e danza. As primeiras delas, programadas para mañá día 1 e o mércores día 2 de decembro ás 21.00 horas, serán as correspondentes á estrea de ‘Cinzas’, o novo espectáculo da Aula de Teatro da Universidade de Santiago de Compostela.

DO 5 AO 8 DE DECEMBRO NO SALÓN TEATRO E NO TEATRO PRINCIPAL DE SANTIAGO

O Festival Agustín Magán ofrece unha nova mostra do teatro amador galego a través dos espectáculos de seis grupos

[25/11/2015] O Festival Agustín Magán regresa un ano máis a Santiago de Compostela cunha mostra do teatro amador que se vén realizando en Galicia. Entre os días 5 e 8 de decembro, o Teatro Principal e o Salón Teatro acollerán as obras finalistas da décimo cuarta edición do festival, promovido pola Federación Galega de Teatro Afeccionado (Fegatea) coa colaboración da Consellería de Cultura e Educación e do Concello de Santiago de Compostela.

O VENRES 23 E O SÁBADO 24 ÁS 20.30 HORAS

Triatreros estrea o seu espectáculo 'Listo para sentenza' no Salón Teatro

[22/10/2015] Triatreros estrea no Salón Teatro o seu novo espectáculo, ‘Listo para sentenza’, que poderá verse neste escenario compostelán mañá venres 23 e o sábado 24, ás 20.30 horas. Esta proposta teatral preséntase como unha comedia sarcástica arredor da corrupción, coa que a compañía viguesa mantén a súa aposta pola combinación do humor e a crítica social.

AS FUNCIÓNS SERÁN MÉRCORES E XOVES ÁS 20:30 HORAS

BalletNorte presenta no Salón Teatro de Santiago o espectáculo 'Atlántica', coproducido co Centro Coreográfico Galego

[20/10/2015] A compañía galega de danza BalletNorte presenta o espectáculo 'Atlántica' mañá mércores 21 e o xoves 22, os dous días ás 20:30 horas, no Salón Teatro de Santiago. A montaxe, realizada en coprodución co Centro Coreográfico e con dirección do coreógrafo Juan Miguel Hernández, rende unha homenaxe aos autores do Rexurdimento por medio da danza.

PABLO DÍAZ E BANDA TIC TAC TOC OFRECEN UN CONCERTO PARA PÚBLICO FAMILIAR MAÑÁ SÁBADO, ÁS 12.00 HORAS

O Salón Teatro pecha a súa programación ata finais de ano con 28 representacións escénicas e musicais en cartel

[16/10/2015] A carteleira despregada no Salón Teatro para este último trimestre do ano recolle 28 novas representacións escénicas e musicais, que darán comezo mañá sábado, ás 12.00 horas, co concerto para público infantil de Pablo Díaz e Banda Tic Tac Toc dentro do I Festival Premios Martín Códax da Música. O escenario da Consellería de Cultura, Educación e Ordenación Universitaria será tamén unha das sedes doutras destacadas citas culturais da capital de Galicia, como as Xornadas de Música Contemporánea, o mercado Galicia Escena PRO, Cineuropa e o Festival de Teatro Amador Agustín Magán.

Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 | 66 | 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 | Seguintes