CDG: Novas

Novas

MATARILE TEATRO, ENTREMANS E TROULA ANIMACIÓN COMPLETAN A REPRESENTACIÓN GALEGA NA 32 EDICIÓN DO FESTIVAL, QUE SE CELEBRA DO 26 DE MAIO AO 10 DE XUÑO

Nut Teatro en coprodución co Centro Dramático Galego estrea "Wake Up" no FITEI do Porto

[14/05/2009] A estrea de Wake Up, de Nut Teatro en coprodución co Centro Dramático Galego (CDG); e os espectáculos Animales Artificiales, de Matarile Teatro; Ven, da compañía de danza Entremans; e A Invasión Pirata, de Troula Animación, compoñen a participación galega no Festival Internacional de Teatro de Expressão Ibérica (FITEI), que se desenvolverá do 26 de maio ao 10 de xuño na cidade portuguesa do Porto. A trixésimo segunda edición deste prestixioso encontro, consolidado como unha das principais citas da temporada teatral peninsular, foi presentada hoxe en Galicia desde o Salón Teatro de Santiago por Mário Moutinho, o seu director artístico.

O AUDITORIO MUNICIPAL ACOLLE O VENRES 15 DE MAIO ESTE ESPECTÁCULO DIRIXIDO POR QUICO CADAVAL A PARTIR DA OBRA ESCRITA AD HOC POR MANUEL LOURENZO

O Centro Dramático Galego continúa a xira de "As dunas" cunha función en Vilagarcía de Arousa

[12/05/2009] O Centro Dramático Galego (CDG) presenta este venres día 15 ás 21.00 horas no Auditorio Municipal de Vilagarcía de Arousa As dunas, espectáculo resultante da obra escrita ad hoc por Manuel Lourenzo con dirección escénica de Quico Cadaval. Autor e director suman os seus talentos creativos nesta nova produción da compañía pública á que ambos se refiren como "un cabaré sobre o paraíso perdido". Trátase dunha comedia cun destacado compoñente onírico que fala sobre especulación urbanística, ecoloxía, corrupción, amor, desamor e sexo.

O RECITAL INSÍRESE NA EXTENSIÓN EN COMPOSTELA DO FESTIVAL SINSAL

O grupo Larsen ofrece xunto a Little Annie un concerto no Salón Teatro de Santiago o xoves 14

[12/05/2009] O Salón Teatro de Santiago acolle este xoves 14 de maio a partir das 22.00 horas o concerto dos italianos Larsen, un dos grupos máis experimentais do panorama alternativo actual, que contará co engadido dunha voz amiga, a de Little Annie, diva do dub e do cabaret post punk e colaboradora de grupos como Coil ou o combo On-U Sound. O recital insírese na extensión en Santiago do Festival Sinsal, organizada en colaboración co Centro Dramático Galego-Salón Teatro, e dentro da que, esta mesma fin de semana, actuará a formación liderada por David Tibet, Current-93.

"OBJECTS IN MIRROR ARE CLOSER THAN THEY APPEAR" PODERÁ VERSE EN SANTIAGO O SÁBADO 9 DE MAIO, ÁS 20.30 HORAS, E O DOMINGO 10, ÁS 18.00 H

O coreógrafo Salva Sanchis presenta a súa última creación no Salón Teatro de Santiago

[07/05/2009] O Salón Teatro de Santiago acolle esta fin de semana -sábado 9 ás 20.30 horas e domingo 10 ás 18.00 horas- dúas funcións do espectáculo Objects in mirror are closer than they appear, a última coreografía do catalán establecido en Bélxica Salva Sanchis que aborda a dicotomía entre a realidade e a aparencia. Utilizando a danza contemporánea entre outras formas de expresión, a peza reflexiona sobre o feito de que as aparencias non só se referiren a unha realidade senón que se converten na nosa realidade.

O TEATRO MUNICIPAL ACOLLE O VENRES 8 E O SÁBADO 9 ESTA COMEDIA ONÍRICA SOBRE ESPECULACIÓN URBANÍSTICA, CORRUPCIÓN, AMOR, DESAMOR E SEXO

O Centro Dramático Galego recala esta semana en Tui con dúas funcións do espectáculo "As dunas"

[06/05/2009] O Centro Dramático Galego presenta esta semana no Teatro Municipal Área Panorámica de Tui dúas funcións (venres 8 ás 21.30 horas e sábado 9 ás 20.30 horas) de As dunas, espectáculo resultante da obra escrita ad hoc por Manuel Lourenzo con dirección escénica de Quico Cadaval. Autor e director suman os seus talentos creativos na última produción da compañía pública á que ambos se refiren como "un cabaré sobre o paraíso perdido". Trátase dunha comedia cun destacado compoñente onírico que fala sobre especulación urbanística, corrupción, ecoloxía, amor, desamor e sexo.

Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 | 161 | 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 | Seguintes

Accesibilidade | Aviso legal