Texto: Paula Carballeira
Dirección: Chiqui Pereira
En certo momento, un home sente que a súa sombra cobra vida, que hai outro home, igual a el, que segue os seus pasos pero cuestiona as súas decisións. Desde entón, cada un deles adopta actitudes radicalmente distintas ata chegar ao odio mutuo.
Deben separarse para non terminar destruíndose e así viven as súas vidas, independentes e loitando polo que cada quen considera xusto ata que volven atoparse, como as dúas caras dunha mesma moeda.
Baixo a aparencia dun proceso de ensaio, Doppelgänger mostra a procura dunha dramaturga para contar a súa historia: a de dous irmáns loitando en bandos contrarios.