CDG: Novas

Novas

A DIRECTORA DO CDG, FEFA NOIA, FÍXOLLE ENTREGA DO GALARDÓN

Avelina Pérez gaña o III Premio 'Pegada' de Teatro Radiofónico, organizado pola ESAD coa colaboración da Agadic

[27/04/2016] A autora Avelina Pérez, co texto ‘Eu controlo’, é a gañadora da terceira edición do Premio ‘Pegada’ de Teatro Radiofónico, organizado pola Escola Superior de Arte Dramática (ESAD) de Galicia coa colaboración da Axencia Galega das Industrias Culturais (Agadic). A directora do Centro Dramático Galego, Fefa Noia, fíxolle entrega hoxe do galardón no transcurso da xornada de actividades durante a que a ESAD está a celebrar os días mundiais do teatro e a danza.

O PROGRAMA ESTÉNDENSE ATA O 1 DE MAIO CON FUNCIÓNS DIARIAS GRATUÍTAS

O Salón Teatro exhibe 11 espectáculos no marco da XVII Mostra de Teatro Universitario de Galicia

[20/04/2016] O Salón Teatro de Santiago de Compostela acolle a partir de mañá e ata o 1 de maio un total de once espectáculos producidos por distintas compañías que funcionan durante o curso académico nas tres universidades galegas, e que forman parte do programa da XVII Mostra de Teatro Universitario de Galicia.

CARLOS ÁLVAREZ-OSSORIO ADAPTA E DIRIXE UN TEXTO DE NEIL LABUTE

A comedia negra 'A forma das cousas' represéntase esta fin de semana con dúas funcións no Salón Teatro

[14/04/2016] ‘A forma das cousas’, a primeira comedia teatral da produtora La Yogurtera SL, con dirección e adaptación de Carlos Álvarez-Ossorio sobre o texto do estadounidense Neil Labute, chega ao Salón Teatro de Santiago esta fin de semana con dúas funcións: o sábado, 16 de abril, ás 20.30 horas e o domingo, ás 18.00 horas.

ESTREARASE O 1 DE XUÑO NO SALÓN TEATRO DE SANTIAGO

Comezan no Porto os ensaios de 'O mundo persistente', espectáculo dirixido polo galego Tito Asorey dentro do Proxecto Nós

[05/04/2016] O espectáculo ‘O mundo persistente’, que estes días comeza o seu primeiro período de ensaios no Porto, é a nova proposta xurdida ao abeiro do ‘Proxecto NÓS Territorio (es)Cénico Portugal Galicia’, rede de intercambio teatral co país veciño na que a Consellería de Cultura, Educación e Ordenación Universitaria participa a través do Centro Dramático Galego (CDG) e a Escola Superior de Arte Dramática (ESAD) de Galicia.

ESTE DOMINGO 3, ÁS 19.00 HORAS

La Macana chega ao Salón Teatro co espectáculo de danza 'Invisible Wires', coproducido pola Agadic

[01/04/2016] A danza ocupará este domingo, ás 19.00 horas, o escenario do Salón Teatro de Santiago con ‘Invisible Wires’, proposta da compañía galega La Macana que conta coa participación da Axencia Galega das Industrias Culturais (Agadic) como entidade coprodutora. A sede do Centro Dramático Galego (CDG) é un dos espazos incluídos na xira galega deste espectáculo internacional que, tras a súa estrea o pasado 11 de marzo no Tanzhaus de Düsseldorf (Alemaña), se representa hoxe no Teatro Rosalía Castro da Coruña e mañá sábado, no Pazo da Cultura de Carballo.

Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 | 64 | 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 | Seguintes

Accesibilidade | Aviso legal