CDG: Novas

Novas

O VENRES 5 E O SÁBADO 6 DE XUÑO, ÁS 21.00 HORAS

O espectáculo 'Amor flexible' de Redrum despídese dos escenarios con dúas derradeiras funcións no Salón Teatro

[03/06/2015] Redrum Teatro conclúe esta fin de semana a xira do seu espectáculo ’Amor flexible’, do que ofrecerá dúas derradeiras funcións no Salón Teatro de Santiago este venres 5 e o sábado 6, ás 21.00 horas. A sede do Centro Dramático Galego será a última parada no percorrido que a compañía compostelá vén desenvolvendo desde hai máis dun ano con esta comedia de enredo, interpretada por Mela Casal, Tamara Canosa e Guillermo Carbajo.

MAÑÁ VENRES, ÁS 17.30 HORAS, E O SÄBADO, ÁS 20.30 HORAS

O Teatro Principal de Santiago recibe o Teatro Nacional D. Maria II de Lisboa coa súa versión de 'Saxo Tenor', de Roberto Vidal Bolaño

[28/05/2015] O Teatro Nacional D. Maria II (TNDM II) de Lisboa chega a Santiago de Compostela para representar mañá venres e o sábado 30 no Teatro Principal a obra de Roberto Vidal Bolaño ‘Saxo Tenor’, ‘Sax Tenor’ na súa versión portuguesa. Esta produción, a primeira que o principal teatro público do país veciño realiza a partir dunha obra galega, forma parte do acordo que o TNDM II mantén co Centro Dramático Galego (CDG) para o intercambio de autores fundamentais de ambas as dramaturxias.

O ESPECTÁCULO REPRESENTARASE NO TEATRO NACIONAL D. MARIA II ATA O DOMINGO

Román Rodríguez asiste á representación de ‘Xardín suspenso’ en Lisboa, que pon fin a unha xira de dous meses

[28/05/2015] O conselleiro de Cultura, Educación e Ordenación Universitaria, Román Rodríguez, asistiu esta noite á representación de ‘Xardín suspenso’ en Lisboa, un acto que pon o punto e final a dous meses de xira por Galicia. Dende o pasado marzo, o Centro Dramático Galego (CDG), dependente da Consellería, levou esta montaxe -dirixida por Cándido Pazó a partir da obra do dramaturgo portugués Abel Neves- por unha decena de concellos galegos. Santiago, Narón, O Barco de Valdeorras, A Estrada, Pontevedra, Vigo, Tui, Rianxo, Ourense e A Coruña acolleron as diferentes funcións deste recoñecido drama luso.

O TEATRO NACIONAL D. MARIA II ACOLLEU A PROXECCIÓN DE 'DOENTES'

O director do CDG prensenta en Lisboa a figura de Vidal Bolaño como paradigma do diálogo cultural entre Galicia e Portugal

[27/05/2015] O director do Centro Dramático Galego (CDG), Manuel Guede Oliva, reivindicou en Lisboa a figura e a obra de Roberto Vidal Bolaño como paradigma do diálogo cultural posible entre Galicia e Portugal. Fíxoo no marco do ciclo ‘Portugal-Galicia: escenarios para un encontro’ que a pasada noite celebrou a súa última xornada no Teatro Nacional D. Maria II (TNDMII) coa proxección de ‘Doentes’, filme dirixido por Gustavo Balza en 2011 a partir da obra homónima do autor compostelán.

SERÁ O VENRES 22 DE MAIO ÁS 21.00 HORAS

Elijomisartistas.com preséntase no Salón Teatro cun concerto de Jacobo Paz a beneficio da Federación de Enfermidades Raras

[20/05/2015] O Salón Teatro de Santiago acollerá este venres 22 de maio, ás 21.00 horas, un concerto de pop-rock a cargo de Jacobo Paz & Dos Mundos, co que se presentará en Compostela a nova plataforma galega de xestión cultural Elijomisartistas.com. O recital, que conta co apoio da Agadic (Axencia Galega das Industrias Culturais) da Consellería de Cultura, Educación e Ordenación Universitaria, celebrarase a beneficio da Federación Galega de Enfermidades Raras e Crónicas (Fegerec).

Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 | 70 | 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 | Seguintes

Accesibilidade | Aviso legal