AGADIC

Centro Dramático Galego


Novas

AS COMPAÑÍAS GALEGAS DUELIRIUM E CIRCO EXPRESO EXHIBIRÁN AS SÚAS PROPOSTAS ANTE UN XURADO INTERNACIONAL XUNTO CON CANDIDATOS DE FINLANDIA, FRANCIA E GRAN BRETAÑA

O CDG organiza unha das mostras clasificatorias do programa Xóvenes Talentos do Circo Europeo

[29/01/2010] O Centro Dramático Galego (CDG) organiza esta fin de semana unha mostra clasificatoria do programa Xóvenes Talentos do Circo Europeo (Jeunes Talents Cirque Europe), na que seis das 34 formacións finalistas exhibirán os seus respectivos proxectos artísticos ante o xurado internacional encargado de elixir os beneficiarios desta iniciativa europea de apoio a novos creadores no ámbito das artes circenses. A nave da escola Circonove no polígono do Milladoiro (Ames) acollerá este encontro interno co comité de selección, ao que conseguiron acceder dúas propostas remitidas dende Galicia: Aviadoras, de Duelirium, e Losing Grip, de Circo Expreso.
REPRESENTANTES DAS ASOCIACIÓNS DO SECTOR REÚNENSE MAÑÁ CO DIRECTOR DA AGADIC PARA PROPOÑER DOUS DOS VOGAIS DA COMISIÓN DE VALORACIÓN, SEGUNDO ESTABLECEN AS BASES

Ábrese ata o 15 de febreiro o prazo de recepción de candidaturas para a dirección do CDG

Documento anexo[28/01/2010] O Diario Oficial de Galicia (DOG) publica hoxe a convocatoria do concurso público para a contratación do novo director/a do Centro Dramático Galego (CDG), de xeito que os candidatos teñen de prazo ata o vindeiro 15 de febreiro para remitir as súas solicitudes á Axencia Galega das Industrias Culturais (AGADIC), entidade da que depende a compañía pública. En relación con este procedemento de selección, os representantes das principais asociacións profesionais do sector reuniranse mañá co director da AGADIC, Juan Carlos Fernández Fasero, para propoñer dúas persoas de recoñecido prestixio no ámbito das artes escénicas como vogais da comisión de valoración, tal e como establecen as bases.
UNHA DECENA DE CENTROS DE ENSINO DE TODA GALICIA INSCRIBIUSE NAS FUNCIÓNS MATINAIS PROGRAMADAS PARA ALUMNOS DE BACHARELATO

Máis de 1.200 espectadores asistiron ás primeiras funcións de "As actas escuras" no Salón Teatro

Documento anexo[27/01/2010] Un total de 1.252 espectadores asistiron en Santiago ás primeiras funcións da nova produción do Centro Dramático Galego (CDG), As actas escuras, que se sitúa deste xeito entre as montaxes con maior ocupación das exhibidas pola compañía pública nos últimos anos. Xúlio Lago dirixe esta primeira posta en escena da obra de Roberto Vidal Bolaño, que rexistrou un gran éxito tanto nos pases para público xeral (venres e sábados, ás 20.30 h, e domingos, ás 18.00 h) como na primeira representación matinal para institutos celebrada a semana pasada. O espectáculo, estreado o pasado día 15, permanecerá en cartel no Salón Teatro ata o 7 de febreiro.
OS PASES PARA PÚBLICO XERAL DA OBRA DE ROBERTO VIDAL BOLAÑO, DIRIXIDA POR XÚLIO LAGO, CELÉBRANSE OS VENRES E SÁBADOS ÁS 20.30 HORAS E OS DOMINGOS ÁS 18.00 HORAS

O Centro Dramático Galego ofrece tres novas funcións de "As actas escuras" esta fin de semana no Salón Teatro

Documento anexo[21/01/2010] O Centro Dramático Galego retoma esta fin de semana (venres 22 e sábado 23 ás 20.30 horas e domingo 24 ás 18.00 horas) no Salón Teatro de Santiago as funcións para público xeral da súa nova produción, As actas escuras, de Roberto Vidal Bolaño baixo a dirección escénica de Xúlio Lago. O espectáculo, que recupera esta gran obra sobre a ocultación da verdade e o sentido da ética 18 anos despois da súa escrita, permanecerá en Compostela ata o vindeiro día 7 de febreiro ofrecendo cinco pases semanais, dous deles concertados con institutos (mércores e xoves, ás 10.30 horas).
O PRAZO DE PRESENTACIÓN DE CANDIDATURAS É DE 15 DÍAS HÁBILES A PARTIR DA PUBLICACIÓN DAS BASES DA CONVOCATORIA NO DIARIO OFICIAL DE GALICIA

A AGADIC abre o procedemento de concurso de méritos para a contratación do novo director/a do Centro Dramático Galego

Documento anexo[15/01/2010] A Axencia Galega das Industrias Culturais (AGADIC) iniciou o procedemento de selección para o posto de director/a do Centro Dramático Galego (CDG), que se realizará, por vez primeira nos 25 anos de traxectoria da institución, mediante concurso público e segundo a aplicación das bases aprobadas polo Consello de Dirección deste organismo da Consellería de Cultura e Turismo. A persoa seleccionada desenvolverá labores tanto de dirección artística coma de xestión, a súa contratación realizarase baixo a modalidade de alta dirección e percibirá unha retribución bruta anual de 39.432,89 euros.

Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 | 120 | 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 | Seguintes


AGADIC Marca gráfica da Xunta de Galicia

Accesibilidade | Aviso legal