Clásicas desfeitas vol. IV | Arte sen guión

Miguel Canalejo
Licenciatura en Arte Dramática na ESAD de Galicia, diplomatura en Escritura de Guión polo Instituto do Cine de Madrid e Máster en Interpretación ante a Cámara pola Central de Cine. Especialízase en improvisación escénica coas compañías ImproMadrid e MadImprov. Desenvolve paralelamente a súa carreira como actor e creador, traballando en produccións como Método criminal, Cuéntame cómo pasó e Serramoura, e creando formatos como Xan (Premio Mestre Mateo 2021 a Mellor SerieWeb) ou Clara Cortés (Premio do público no 2020 Festival de cine de Valencia).

--

Compañía:
Galeatro nace no ano 2015 em Carballo. Fundada por Alba Bermúdez e Tone Martínez e especializada no público familiar, a súa liña de traballo esténdese desde a formación artística ata a produción de espectáculos de pequeno e gran formato.
    
Algunhas das pezas que percorren gran parte do territorio galego son: Entre bechos anda o conto, As aventuras de Mariña, Hotel Paraíso, Muiñada, Carabela e Wombo combo.

No 2022, Galeatro estreou o seu primeiro espectáculo para público adulto em coprodución co Centro Dramático Galego Arte sen guión, unha comedia atolada que especula sobre como podería ter sido o teatro medieval en lingua galega. No 2024 foi galaordada no Certame Manuel María para proxectos teatrais co proxecto Berenguela na gaiola. No 2025 recibiría o premio da Deputación da Coruña  Fondos de proxectos culturais Reino de Galicia coa proposta Reino de Galicia á escena. Xa no 26 recibiría os premios María Casares á Mellor Adaptación/Tradución e a Mellor Espectáculo Infantil pola citada Berenguela na gaiola.

Galeatro naceu coa vontade de promover a creación escénica contemporánea en lingua galega, contando para iso con dramaturgos e dramaturgas galegas vivas. Así, os seus espectáculos foron escritos por Miguel Canalejo (Arte sen guión), Ana Carreira (Muiñada) e Paula Carballeira (Carabela, Wombo Combo e Berenguela na gaiola).

No eido da formación, Galeatro está presente em escolas de teatro de Bergondo, Carballo, Malpica, Mesía, Oleiros, Oroso, Sada e Ordes. Conta com máis de 200 alumnos e alumnas que grazas a estas actividades xa forman parte, dalgunha maneira, do sistema teatral galego.