continente-maria
/
Centro Dramático Galego
/ Histórico

Continente María

Tito Asorey
Centro Dramático Galego en coprodución con Ainé, a Quinta do Cuadrante e o Concello da Coruña

Ano: 2022

70 min

Espectáculo coproducido polo Centro Dramático Galego

Maiores de 14 anos

Ficha artística Galería

Texto

Continente María é un canto á vida e ao teatro a través do diálogo coa extraordinaria figura de María Casares. Mediante as múltiples posibilidades que nos ofrece o teatro, evo...

Continente María é un canto á vida e ao teatro a través do diálogo coa extraordinaria figura de María Casares. Mediante as múltiples posibilidades que nos ofrece o teatro, evocamos a María non só como a inesquecible actriz que foi, senón tamén como o ser humano que se entregou con absoluta intensidade á vida e á escena para vencer o medo e sobrepoñerse ao exilio, descubrindo nas táboas a súa verdadeira patria.

A Casares preséntasenos como un mapa a percorrer, mais non como turistas, senón como viaxeiras curiosas, gozando dos detalles que nos proporciona a súa paisaxe, chea de vitalidade e ganas de vivir en presente absoluto todo o que a realidade e a poesía nos pode ofrecer. Un mapa dun continente inabarcable no que queremos permanecer porque estamos seguras de que vivir nel nos fará mellores, como individuos e como sociedade.

Conversamos co legado de María tratando de recoller a retranca, o humor e a musicalidade que se desprende das súas entrevistas e escritos, que se descobren ante nós como un faro que dá luz e claridade a un presente que precisa referentes de liberdade e compromiso.
 

Ver máis

Autoría

Marianella Morena
Dramaturga, docente e directora uruguaia. Durante décadas vén dando a luz textos que nos colocan diante dos nosos propios mitos para confrontarnos con eles, dialog...

Marianella Morena
Dramaturga, docente e directora uruguaia. Durante décadas vén dando a luz textos que nos colocan diante dos nosos propios mitos para confrontarnos con eles, dialogando entre o noso presente persoal, histórico e político.

Marianella Morena leva estreado pezas en países de todo o mundo (Arxentina, Brasil, Ecuador, Colombia, Venezuela, EEUU, España, Alemaña, Francia, Paraguai, Chile ou México) e foi condecorada co Premio Molière outorgado polo goberno francés, así como cos premios de Dramaturxia polo Centro Cultural de España e o Premio Destacado ao Espectáculo Estranxeiro pola Universidade de Bos Aires.

Sen dúbida, a súa presenza na conformación deste espectáculo é unha oportunidade para que o teatro galego se abra á colaboración con voces de forte presenza internacional que poidan permitir un maior desenvolvemento do noso capital artístico, así como axudar á distribución internacional do mesmo.
 

Ver máis

Dirección

Tito Asorey

Compaxina desde o ano 2000 a súa dobre faceta como actor e director de esc...

Tito Asorey

Compaxina desde o ano 2000 a súa dobre faceta como actor e director de escena, tratando de establecer unha retroalimentación o máis frutífera posible entre estes dous oficios. Tito Asorey é unha das figuras máis destacadas na dirección de escena do país. Foi cofundador das compañías ilMaquinario Teatro e A Quinta do Cuadrante, e responsable de espectáculos como O Home Almofada, Perplexo (5 Premios María Casares, candidato aos Premios Max, candidato aos Premios ADE), O mundo persistente (Centro Dramático Galego), Somos Criminais (récord de público no teatro galego con 60.000 entradas vendidas) ou Somos Criminais 3.

Desde o ano 2016 centra o seu interese no teatro documento e na autoficción, creando espectáculos como Resaca (4 Premios María Casares, candidato aos Premios Max, programado no Festival Chantiers d ́Europe de París), O empapelado amarelo, Fariña (polo que foi candidato ao premio nacional de dirección pola Asociación de Directores de Escena de España), A lúa vai encuberta (peza gañadora do II Certame Manuel María de Proxectos Teatrais) e Continente María, coprodución de Ainé e o Centro Dramático Galego.

Como actor no audiovisual destacan os seu papeis en Fariña, nas ficcións de RTVE Servir y proteger e Néboa e nas series da Televisión de Galicia Método Criminal, Viradeira, Pazo de familia, Matalobos ou Serramoura. No cinema podemos velo en Arima, Lobos Sucios ou Malencolía.

Ver máis

Resumo

Ficha artística

Texto: Marianella Morena Dirección: Tito Asorey Actriz: Melania Cruz Músico en escena: Vadim Yukhnevich Produción executiva: Xosé A. Touriñán, Tito Asorey e Melania Cruz Dirección de produción: Javi Lopa E Álvaro Pérez Becerra Iluminación: Laura Iturralde Videoproxeccións: Laura Iturralde E Miriam Rodríguez Escenografía: José Faro “Coti” Vestiario: Laura Baena Deseños previos de vestiario: Yaiza Pinillos Espazo sonoro e música orixinal: Vadim Yukhnevich Voces en off: Tito Asorey e César Goldi Imaxe gráfica: Lidia Cao Comunicación: Saúl Rivas Páxina web: Pilar Mera Fotografía: Aigi Bog Vídeo. Jairo Iglesias Técnico: Xacobo Castro Produción en xira: Celia Varela Sixto Auxiliar de produción: Claudia Díaz Produción: Ainé e a Quinta do Cuadrante en coprodución co Concello da Coruña  e o  Centro Dramático Galego Colabora: Concello de Rianxo Patrocina: Deleite

continente-maria-4 continente-maria-6 continente-maria-10 continente-maria-17