Costa da morte: cartografía dun naufraxio

Mariña Lestón é unha actriz graduada en Interpretación Textual na Escola Superior de Arte Dramática de Galicia. Os seus inicios neste mundo sitúanse na Escola Base de Talía Teatro. Traballou con diferentes compañías como o Grupo Chévere e puidemos vela en proxectos propios como Adolescentes, o seu primeiro espectáculo co que percorreu institutos e centros culturais de toda Galicia, ou na súa última peza Dende o baleiro ás ondas, da cal parte esta obra e que, ao igual que a presente e a anterior, está escrita, producida e interpretada por ela mesma.