entrecruzad@s

Entrecruzad@s

OPSIS, Juliana Reyes
ESCENAS DO CAMBIO

Ano: 2026

Adulto

Ficha artística

Texto

En ENTRECRUZAD@S, cinco intérpretes desvelan os estigmas que os abocan á exclusión. Estigmas que moitas veces diferencian e converten as persoas en seres menosprezados ou vítimas de di...

En ENTRECRUZAD@S, cinco intérpretes desvelan os estigmas que os abocan á exclusión. Estigmas que moitas veces diferencian e converten as persoas en seres menosprezados ou vítimas de discriminación.

Nun mundo esteticamente ideal, onde o benestar é obriga e a positividade un mandato, aparece unha figura estraña, un forasteiro, unha fenda. Desa creba emerxen os corpos reais: imperfectos, híbridos, fermosos nos seus desaxustes. Corpos que non entran na norma, que non teñen patria, que non teñen xénero pechado, que cargan o peso dos prexuízos.

A través do movemento, o ritmo, a voz, o silencio e a respiración, estes cinco intérpretes constrúen unha partitura viva sobre o desarraigamento, a identidade, a exclusión e a posibilidade de comunidade. Non se trata de contar unha historia, senón de encarnar moitas. Cada corpo narra desde as súas cicatrices. Cada xesto convértese en fronteira ou refuxio. Cada acción, nun acto de resistencia poética.

ENTRECRUZAD@S abre preguntas como feridas. Preguntas sobre o corpo que habito, o lugar que ocupo, a mirada que me define e o desexo de pertencer sen deixar de ser quen son.

Ver máis

Autoría

Juliana Reyes
Prestixiosa dramaturga e directora de escena colombiana, radicada en Madrid. Creou máis de corenta obras escénicas, moitas delas recoñecidas internaci...

Juliana Reyes
Prestixiosa dramaturga e directora de escena colombiana, radicada en Madrid. Creou máis de corenta obras escénicas, moitas delas recoñecidas internacionalmente.

Entre as súas pezas máis premiadas destacan La Mirada del Avestruz, Frenesí y Estela, con galardóns como o Premio do Público a Mellor Espectáculo no Festival de Almada (Portugal) e o Premio a Mellor Espectáculo de Danza na Feria Internacional de Teatro y Danza de Huesca (España). En Colombia, foi distinguida co Premio Nacional de Danza en 2023.

Coa súa compañía de danza, L’Explose, levou as súas creacións a escenarios de prestixio mundial como a Maison da Danse de Lyon, o Auditorium Parco della Musica de Roma, o Theater Hebbel am Ufer de Berlín e o Mercat de lles Flors de Barcelona, entre moitos outros.

Profunda coñecedora das interaccións entre interpretación, danza e música, desenvolveu unha linguaxe escénica propia na que o movemento, a narrativa teatral e a composición musical dialogan con precisión e sensibilidade.

Actualmente, dirixe OPSIS Producciones en Madrid e a Fundación L’Explose en Bogotá, consolidando redes e creacións culturais que impulsan a arte escénica cunha visión innovadora e transfronteiriza.

Ver máis

Resumo

Funcións

Salón Teatro, Santiago de Compostela

08/05/2026
19:30

Ficha artística

Ficha técnica Madrid, Colombia | 50 min

Dramaturxia e dirección: Juliana Reyes Intérpretes: Andrea Carrión García, Fabián Augusto Gómez, Juanki Fernández, Perla del Rocío, Russo Nnandong Coreografía: Juliana Reyes en colaboración co elenco Composición musical: Camilo Giraldo Ángel Rap: Russo Nnandong Deseño de iluminación: Cristina Cejas Iluminación en Santiago: Alicia Soriano Asistencia de dirección e producción: Johanna Cruz Fotografía: Gerardo Sanz Video: Producciones Vistalegre Distribución: Carlos M. Carbonell - CRÉMILO Proyectos Culturales y Distribución de Espectáculos Produción: OPSIS Producciones SL