A fortaleza

Inspiradas pola figura da guerrilleira Chelo, abrimos unha brecha no tempo para explorar as pegadas invisibieís da loita, a herencia que arrastramos e as violencias (íntimas e colectivas) que nos atravesan antes de que explote calquera guerra.

Entre documentos, accións performativas e memoria encadenada, esta peza propón un viaxe escénico que nos recorda que cada xesto pode ser unha forma de resistencia. 

---

Fortaleza era o nome de guerra dunha casa: a de Consuelo Rodríguez López, onde se escondían fuxitivos e guerrilleiros ata o día en que se viu baleirada pola violencia fascista e Chelo botouse ao monte. Cheliño era como a chamaba Aurora Marco, investigadora e autora do libro "Mulleres na guerrilla antifranquista galega", do que parte o espectáculo de teatro A Fortaleza-.

O proxecto da compañía A Feroz dirixido por Raquel S. pensa a historia da resistencia das mulleres en Galicia cuestionando como a memoria se foi escribindo ao longo dos anos: con que termos, con que palabras, con que mans.

En escena articúlanse o plano da memoria histórica -contando historias de varias mulleres na guerrilla- co plano do xesto arqueolóxico -en que un equipo de arqueólogos dramáticos reflexionan sobre o papel do teatro na divulgación e cuestionamiento da historia: Con quen falamos? Que queremos dicir? Como usamos palabras e mans de modo que nos permitan relacionarnos con esta historia violenta para que nunca se repita?

Aurora Marco compartirá o espazo escénico con Bea Romero, Gustavo Freire, Lorena Conde, Inés Salvado Gontad e Mariana Leite Soares na música, nun proxecto asentado nunha ética colaborativa que fai confluír diversas perspectivas, ideas e modos de facer.

A Fortaleza fusiona as prácticas teatrais, de investigación e arqueolóxicas buscando mirar cara a esta historia desde un lugar onde nos interpele de novo.