heroes-en-decembro
/
Centro Dramático Galego
/ Histórico

Heroes en decembro

Sara Rey

Ano: 2025

80 min

Maiores de 14 anos

Ficha artística

Texto

Heroes en decembro presenta catro persoas que participaron no programa de repoboación rural “Revivir” da Fundación Habitando, tras seren superviventes de tentativas de suicidi...

Heroes en decembro presenta catro persoas que participaron no programa de repoboación rural “Revivir” da Fundación Habitando, tras seren superviventes de tentativas de suicidio. Lonxe de seren rehabilitadas, as rutinas programadas afúndenas máis no baleiro vital. A morte de Khalid, a chegada dunha traballadora social que busca facer un documental, e as decisións extremas de Agnes, Berta e Xián poñen en crise o sentido mesmo do programa.

Esta peza coral reflexiona con honestidade e humor ácido sobre a saúde mental, a culpa, a identidade e o dereito a falar do suicidio. Un drama contemporáneo cun código escénico innovador e comprometido coas novas xeracións.
 

Ver máis

Autoría

Eva Mir é dramaturga e directora de escena e guionista. Entre as súas obras destacan Héroes en diciembre (Premio Nacional Calderón de la Barca 2019) ou La Conmoción, ...

Eva Mir é dramaturga e directora de escena e guionista. Entre as súas obras destacan Héroes en diciembre (Premio Nacional Calderón de la Barca 2019) ou La Conmoción, estrenadas no CDN de Madrid. A súa obra Lockdown estréase en Washington D.C. e dirixe Gente Sencilla de Anna Gschnitzer no Teatro Español. Recibiu becas de creación como Dramaturgias Actuales INAEM, a beca de movilidade do Ministerio de Cultura de Avignon (Francia), o programa de Residencias Europeas do CDN en Berlín, Bruxelas, Madrid e Vilna con Un cuerpo se desplaza ou a residencia de escrita en La Chartreuse, en Villeneuve-les-Avignon (Francia). Ademáis, forma parte do xurado de diversos premios nacionais do INAEM, SGAE ou ESCAC. Nos últimos anos estrea as pezas Insomnio e Senyoreta Júlia en Valencia e obtén o Premio Nacional de Comedia do Teatro Español e Naves del Matadero por Añoranza y siesta. En 2024 estrea Jalando no Festival #MEETYOU de Valladolid e Baby no more para o colectivo VVAA no Teatre Nacional de Catalunya. En 2025 estrea PRÓDIGO en Valencia e Madrid e comeza a escrita de Los que miran, o seu novo texto teatral.

Ver máis

Dirección

Sara Rey é directora e dramaturga. Licénciase en Historia da Arte (USC) en 2017 e Dirección de Escena na ESAD de Galicia en 2022, e obtén un Mestrado en Literatura, Cultura e Diversida...

Sara Rey é directora e dramaturga. Licénciase en Historia da Arte (USC) en 2017 e Dirección de Escena na ESAD de Galicia en 2022, e obtén un Mestrado en Literatura, Cultura e Diversidade (UDC) en 2024. Dirixe Novecento con Ancoraxe, a compañía que crea en 2022. Ademáis estrea Iphixenia na porta do súper con Compañía Humana e Antonio e Cleopatra dentro da proposta Shakespeare en Roma para o Centro Dramático Galego. É axudante de dirección de Tito Asorey en A lúa vai encuberta (Incendiaria e A Quinta do Cuadrante) e en Recortes, caneos e outras formas de driblar (Centro Dramático Galego e Ainé). Fai a produción do documental Memoria do teatro galego para o Consello da Cultura Galega e axudantía de produción na MIT de Ribadavia en 2020 e 2021. En 2021 gaña o II Certame de Microteatro da Memoria con A patente do sol. Dirixe, dende 2023 a Aula de Teatro Universitaria da Coruña.

 

Ver máis

Elenco

Isabel Garrido Marcos Grandal Andrea Blanco Ana San Fernando   

Ficha artística

Dirección, tradución e adaptación: Sara Rey Texto orixinal: Eva Mir Audiovisuais: Ancoraxe Espazo sonoro: Marcos Grandal Escenografía e vestiario: Ancoraxe e As dúas e punto Iluminación: As dúas e punto Revisión lingüística: Andrea Gagino Asesoría psicolóxica: María Borrazás