Lémbrame, Spominaj na mnje

Lémbrame, Spominaj na mnje é unha homenaxe a memoria, a tradición e a raíz. Unha lenda contemporánea sobre a cultura sorobia e galega. Os novos tempos traen cambios, nada fica como antes, tamén para o vello muiñeiro e o seu muíño. O avance do tempo ameaza con desprazar e acabar co oficio que foi transmitido de xeración en xeración. Cando a morte chega a súa porta, o muiñeiro escapa comezando así a gran persecución entre o muiñeiro e a morte.
Cal é o futuro das nosas tradicións?

--

O ánimo da produción e a súa importancia.
Dentro do marco do proxecto teatral europeo Phóné “Dándolle ás linguas minorizadas unha voz” presentamos unha coproducción entre o Centro Dramático Galego, a compañía galega Títeres Alakrán e o teatro sorobio Bautzen Theater.
Lémbrame, Spominaj na mnje é un espectáculo de teatro de monicreque que reúne a equipas do teatro sorobio e galego.
Unha equipa interxeneracional de titiriteiros que plantexan unha investigación onde se atopan a cultura e lingua galega e a soroba. Borja Insua (Títeres Alakrán), Rafa Rey (Nauta Teatro) e Alba de Vales son os artistas galegos que conforman o proxecto. Por parte do Deutsch-Sorbisches Volkstheater Bautzen participan o director artístico Lutz Hillmann, o director do teatro de marionetas Tim Heilmann, o titiriteiro Andreas Larrasz, así como as dramaturgas Hanka Jenčec e Karoline Wernicke. O proxecto propón un proceso de creación, colectivo. Co obxectivo de achegar as tradicións das nosas respectivas culturas dende o teatro. A creación parte dunha pregunta en común nas dúas culturas: Cal é o futuro das nosas tradicións?
Títere de mesa, obxecto, mascara e teatro converxen para crear unha lenda contemporánea titulada: Lémbrame, Spominaj na mnje.