Less dragqueens and more Chunorris!

Dous homes deciden espirse —literal e simbolicamente— diante do público para cuestionar as masculinidades que herdamos. Less Dragqueens and more ChuNorris! é un espectáculo que transita entre a comedia, o circo e as varietés para explorar, desde o humor e o afecto, os límites e contradicións do “macherío”. A peza combina a retranca, provocación e reflexión para abrir un espazo onde o ridículo, a vulnerabilidade e a tenrura conviven coa crítica á chamada “machosfera” e ás violencias asociadas ás masculinidades tóxicas. Entre números escénicos, confesións e accións performativas, os intérpretes propoñen unha revolución pequena pero necesaria: revisar os códigos cos que fomos educados e imaxinar outras maneiras de relacionarnos.