Miserábeis

Teté García

Teté García é profesora de Música no IES Illa de Ons de Bueu dende o ano 2006. Titulada na especialidade de piano polo Conservatorio Superior de Música de Vigo, conta co D.E.A. en Didácticas Especiais e dende os seus inicios no teatro profesional en 2003 traballou con compañías como Balea Branca, Cámara Negra, Arela das Artes, Aporía Escénica, Inversa Teatro, Centro Dramático Galego ou Ibuprofeno Teatro ademáis de facer tempada no Teatro Nuevo Alcalá de Madrid no musical Galicia Caníbal dirixido por Quico Cadaval. No audiovisual participou en diversas curtametraxes, nalgún videoclip e foi a protagonista feminina da longametraxe Fragmentos de Brand.

Combina a súa faceta como docente e actriz coa de dramaturga tendo varios textos publicados na Revista Galega de Teatro e recibindo no ano 2016 xunto con Diana Mera e Merche Pérez o Premio María Casares ao mellor texto orixinal por Trinta e tantos osos. No ano 2020 recibe no Festival de Teatro Galego (FETEGA) Celso Parada o premio á Mellor Actriz polo seu traballo en Clausura do Amor de Cámara Negra dirixida por Carlos Álvarez- Ossorio.

En Miserábeis encárgase da tradución e adaptación das letras, da dramaturxia e da dirección escénica coa colaboración de todo o profesorado implicado no proxecto.