O auto do Castromil

Quico Cadaval naceu en Ribeira, Rías Baixas da Galiza, 1960. É director e autor teatral activo desde os anos 80 do pasado século. Participou en pezas do repertorio clásico como son as comedias de Shakespeare ou obras do dirty-realism irlandés de Martin McDonagh. Tamén ligou a súa sorte a un dúo cómico Mofa&Befa, que mudou a idea do que son os pallasos. Con eles fixo unha tournée moi exitosa do espectáculo Shakespeare para ignorantes. Esta experiencia en escenario, unida á súa paixón pola cultura popular, levouno a probar unha maneira nova da arte de contar historias. Forma parte dun movemento de contadores na Galiza. Ten algúns premios e recoñecementos a ornamentar os andeis, e poucos libros (poucos libros da súa autoría, doutros autores ten moitísimos). Sente a Lusofonía como un territorio propio, que prolonga con naturalidade a súa Galiza natal.