O corazón na boca

Que significa soñar? Que implica? Que significa soñar con 8 anos? E con 83? Cales son os soños de aqueles nenos que un día fomos? Cales son os trenes que non collimos? Cales están aínda por coller? Un elenco de 13 persoas de 20 a 80 anos porán o seu corazón na boca e, coa bravura daquel que soña en voz alta, convidarannos a unha viaxe a través dos soños. Os imposibles, os que se cumpren, os que xa se esqueceron, os que deixamos pasar pero temos cravados, os que con esta obra chegarán a realizarse... Todo isto dende a comunidade do teatro galego, a súa lingua e a súa historia. Por que facelo? Porque estamos de aniversario no teatro galego e ao soplar as candeas haberá un desexo que cumprir hoxe nos nosos escenarios. Que empece a festa!

--

O teatro está cheo de soños, soños imposibles e soños que o pareceron e acabaron por cumprirse, soños pendentes que xa nunca se cumprirán,  soños aos que renunciamos, soños do pasado e do presente. En O corazón na boca os soños dos protagonistas presentaránsenos en escena en forma de personaxes e falarannos sobre o percorrido dos soños nas diferentes etapas da vida. Porque tamén nós, coma o teatro, estamos cheos de soños. Unha investigación dende NAUTA ca comunidade da FEGATEA que durante un ano de proceso presenta un espectáculo interxeneracional, de creación colectiva onde celebrar o teatro galego, a lingua e estes 40 anos de historia.