O regreso ao deserto

É 1960. A guerra de Francia con Alxeria non dá rematado. Mathilde Serpenoise, acompañada de Fátima e Eduardo, os seus fillos, volve á casa que herdou de seu pai, na provincia francesa, despois de moitos anos a vivir en Alxeria.

Mathilde, que foi expulsada de Francia por unha suposta falta que cometeu, regresa a súa casa despois de 15 años de exilio decidida a vingarse da súa familia y da pequena sociedade de provincias que a obrigou a abandonar o seu país. Na súa casa esta agardándoa seu irmán Adrián, que agora ocupa a casa coa súa familia.

Dende o momento da chegada, o conflicto entre os dous irmáns non decae en ningún momento. Si Mathilde esixe o recoñecemento da propiedade da casa, o seu irmán pon en dúbida esta propiedade, ao abandonar Matilde a casa á súa sorte durante tantos anos.

A resposta sempre é contundente: "ti herdaches a fábrica, eu a casa".

Adrien non está disposto a convivir cunha estrafalaria, alguén que desertou da súa condición social, e que agora volve, con dous fillos de non se sabe quen, a socavar os cimentos da familia, da casa e da boa sociedade burguesa.

Pero non son soamente os maiores os que teñen problemas de comunicación. Os fillos de ambos os irmáns, cerca xa dos trinta anos, non acaban de adaptarse á nova situación.

Fátima e Edouard botan de menos o sol, a calor, a terra. O fillo de Adrien non acaba de aceptar os seus primos como novos propietarios da casa. A relación entre eles é tirante, non se recoñecen nos lazos de sangue nin na proximidade das súas idades. 

Ademais Fátima atópase rara na casa, sente frío todo o tempo e ve estrañas visións que fan dubidar da súa estabilidade emocinal.

Como resultado, a casa vólvese invivible, as disputas son continuas e os habitantes da casa que non están metidos de cheo no conflito, a ama da casa e un criado árabe tentan, sen conseguilo, facer entrar en razón aos dous irmáns, enfrascados nunha disputa que está arruinando as súas vidas e a súa saúde.

Cal é a saída? Alguén terá que ceder e abandonar a casa, a cidade...quen o vai facer?, a onde?, ao deserto, de novo?