Run baby run

Fátima Delgado | Autora, actriz, poeta
Licenciada en Filoloxía inglesa, con mestrado en Lingüística (USC). Bolsa ETC unipersoal da sala Cuarta Pared 2022. Finalista na Residencia Dramática do CDN 2020/21. Poeta seleccionada na residencia Ámeto Mítico (2019) da Fundación Uxío Novoneyra. Obtén a Axuda para a creación das artes escénicas da CAM (2018) para escribir a súa obra Run baby run. Ten tres libros de poesía: Ouveos/Aullidos (Seda de Biso, 2020), Ninfopoética (Urutau, 2018) e Vestida de domingo (Romania Minor, 2011). Foi profesora de instituto doce anos. 
Comeza a súa formación en interpretación na Aula de Teatro de la USC en 2005. É co-fundadora da compañía de teatro universitario As Fillas de Lilith, adaptando ao galego As bágoas amargas de Petra Von Kant de Fassbinder. En 2007 marcha a Madrid, onde estudiará arte dramático en varias escolas e participará nos obradoiros de creación escénica, interpretación e dramaturxia con Pablo Remón, Sergio Blanco, Andrés Lima, Jana Pacheco, Marta Pazos e Carlos Tuñón entre outros. Na súa compañía La Méduse, fundada xunto a Tatiana Carel é co-dramaturga e actriz en Mi verano en burkini (2021) e Tsunami (2018) estreada no Festival Noches del Ramadán. En 2016 é finalista xunto a Tatiana Carel coa peza Tsunami no “I Certame coreográfico Danza en Valores da Asociación Primario” no Museo C.A.V. La Neomudéjar de Madrid. Funda Meninas teatro en 2012 xunto a actriz brasileña Cynthia Pagotto. Escribe e actúa en obras como Androsex (2013) estreada na Sala Triángulo (Madrid). Escribe e protagoniza No sin mi libro (2015) e Avón llama a tu puerta (2016). É actriz noutras múltiples obras de teatro como Maleca e En el espejo de Víctor Sánchez Alonso (Fiesta Corral de Cervantes de Madrid). Formou parte do Prostíbulo poético, actuou en moitos festivais de poesía como Festival Kerouac de México e Nueva York 2022, SELIC 2020, Se buscan poetas del Bowery poetry club (New York), Culturgal, V Festival dos Eidos (2019) e VIII Festival Kerouac 2018. Programadora e presentadora da poesía no SilFest Valdeorras.