Estrea absoluta de A Culpa no Teatro Jofre de Ferrol

O Teatro Jofre de Ferrol acolle esta fin de semana a estrea absoluta de A Culpa, coprodución do Centro Dramático Galego e Estudo Momento, con adaptación de Xoán C. Mejuto da novela de María Solar. Un thriller noir sobre a memoria, a emigración e os silencios entre xeracións, cunha banda sonora inspirada no tango e música orixinal interpretada en directo na estrea por un Grupo de Cámara da Orquestra Sinfónica de Galicia. Entradas desde 20 €, á venda en Ataquilla e na billeteira do Teatro Jofre.