As formas do amor

MARÍA ÁNGELES IGLESIAS
Pon corpo e alma a iso que necesita ser visto, oído, gritado e escoitado. Como actriz súmase ás creacións doutras artistas e compañías, á vez que xera e desenvolve os seus propios proxectos escénicos, escribe, baila e canta.
As formas do amor é a sexta creación propia en Galicia. A súa historia nos escenarios desenvólvese entre Buenos Aires (Arxentina), e Santiago de Compostela, onde vive desde xullo de 2009. Comeza a súa andaina como actriz no ano 1995 no  grupo de teatro amador do Centro Galicia de Bos Aires e  logo comenza os estudos formais de Teatro na Escola de  Augusto Fernandes (e alí con Susana Pampín e Fernando Pernas, 1998 -2001 inclusive).  Cursou a carreira de Pedagoxía Teatral no IUNA (Instituto Universitario Nacional de Artes 2001-2005), e continuou a súa preparación actoral tomando clases con Elsa Berenguer, Ricardo Bartís (Sportivo Teatral - 2006), Carlos Ianni (2007-Celcit), Clodet (Teatro e ritualidad -2009) e Óscar Pachecho (Teatro de imaxe) entre outros.  Alí tamén estudou expresión corporal (Prof. Susana Goñi), tango, bailes tradicionais de España e Galicia (Prof. Luisa Pericet) e canto. Desempeñouse como profesora Teatro en institutos e no colexio arxentino-galego Santiago Apóstol de Bos Aires e participou en curtametraxes.  É Profesora de Historia (Instituto Nacional Superior do Profesorado - Arxentina) profesión que tamén exerceu en paralelo ás Artes Escénicas.

Cre na formación continua como artista por tanto segue tomando clases con distintos mestres, entre os que destaca os cursos máis recentes de teatro con Claudio Tolcachir (Timbre4 Madrid), con Rut Balvís en corpo-movemento e con Marco Antonio de La Parra en dramaturxia. En marzo do 2023 finalizou as presentacións de Crónica dunha heterosexual insatisfeita, creación propia coproducida por Verdeveras Expresións Artísticas e o Centro Dramático Galego (estrea xullo 2020).  O texto da obra foi publicado en agosto do 2021 por Urutau Editora en edición bilingüe galego – castelán arxentino.

Verdeveras Expresións Artisticas é a plataforma de artes que lle permite desenvolver a súa faceta de creadora e dramaturga.  Desde ela levou ao escenario a xa mencionada Crónica dunha heterosexual insatisfeita (2020/2023); Un lugar chamado mundo (musical infantil - 2015); Desalmad@s (2014 - dirixida por Carlos Neira e estreada non Salón Teatro de Compostela) e Tacóns Na Corda (2011).  Todas, de xira por Galicia durante varios anos.

Desde outubro do 2018 a novembro de 2021 protagonizou xunto a María Barcala Dúas donas que bailan de Josep Mª Benet i Jornet, de Teatro do Atlántico dirixidas por Xúlio Lago. Ese mesmo ano, asistiu na dirección a Gena Baamonde en Señora que pasea pola rúa con dous cans preciosos de Matrioshka Teatro. Entre outros traballos en Galicia, destaca o proxecto Reconvertindo Espazos realizado coa directora e dramaturga Avelina Perez, que propón pequenas accións teatrais en espazos non convencionais para repensar cuestións ligadas ao xénero. (2013/14). Na actualidade continúa coa xira de Comando Comadres (Matrioshka Teatro) que protagoniza xunto a Anabell Gago e Chelo Dorejo dirixidas por Gena Baamonde;  prepara a estrea de Escritas de corazón, (peza infantil da súa autoría) e desenvolve As formas do amor, a súa nova obra de teatro para público adulto.

--

Verdeveras Expresións Artísticas naceu en Santiago de Compostela, no ano 2011, como unha ferramenta para dar forma aos seus propios proxectos. “Arte para axudarnos a ver”, como dicía Galeano; “con todos os sentidos”, agregamos nós. Por iso pensamos Verdeveras Expresións Artísticas coma unha plataforma de creación sostida polos alicerces do teatro e a música, onde poidan dialogar linguaxes como a danza e as artes plásticas. As propostas adoitan ser adaptables a espazos diversos. Encántannos por suposto as grandes salas, pero tamén gozamos da proximidade dos sitios pequenos. Propoñemos un Teatro comprometido coa actualidade, que permita reflexionar e moitas veces rir do que nos acontece. Creacións orixinais: ideas, textos, realización, posta en escena, músicas, movementos... co foco sempre posto no traballo d@s artistas.